نیمار دێ سالا بھێت یاریێ بۆ کیژ یانێ کەت
ئەڤرۆ نیوز:
یانێن بەرنیاس یێن ئورۆپی بەردەوام بزاڤا ب دەستڤە ئینانا ستێرا ھەلبژارتیێ بەرازیل و یانا بەرشەلۆنا نیمار کەن بۆ ئیمزاکرنا ھەڤبەستا وی بۆ وەرزێ بھێـت، ھەر چەندە یاریکەرێ بەرازیلی د داخویانیەکا خوە دا دیارکر بوو ئەو یێ کەیفخوشحالە ل یانا خوە یا نوکە لێ دبیت ئەو چەندە بھێـتە جھـ ل ماوێ بھێت یاریێ ل یانەکا دی بکەت .
رۆژنامەیێن ئورۆپی دیارکری نە ھەردو یانێن ئینگلیزی مانچستەر یوناید و مانچستەر سیتی بەردەوام یا ھەڤرکیا ئێک کەن بۆ دەستڤە ئینانا ئەڤی یاریکەری و ھەردو یانا دیارکری یە ئەو د بەرھەڤن مەزنترین ھەڤبەست ل جیھانا تەپا پێ پێشکێشی ئەوی یاریکەری بکەن تایبەت پشتی یانا مانچستەر سیتی ب فەرمی ھەڤبەستا راھێنەرێ خوە یێ نوو گواردیولای راگەھاندنی کو وی دیارکر بوو ئەو دخوازیت ھەڤبەستێ ل گەل نیماری ئیمزابکەت .
ژلایەکی دیڤە رۆژنامەیێن نێزیک ژ یانا ریال مەدرید دیارکری یە سەروکێ یانا ریال مەدرید ١٧٠ ملیون یورۆ بەرھەڤکری نە بۆ ب دەستڤە ئینانا ستێرا بەرازیلی .
