سەرپەرشتێ تیما زاخۆ: ژبەرکو من راستی دیارکر ئەز سزاکرم
ئەڤرۆ نیوز، ھەژار مەعروف:
سەرپەرشتێ تیما زاخۆ یا پشکدار دخولا عیراقێ دا تەھا عەبدولحەکیم د داخویانیەکا تایبەت دا بۆ ئەڤرۆ نیوز دیارکر ژبەرکو ئەوی ل ئێک ژ کەنالەکێ عیراقی راستیا چەند ئەندام و سەروکێ ئێکەتیا تەپا پێ یا عیراقێ دیارکر ئەو ھاتیە سزادان ئەوا ل گەل ئەوی ھاتیە کرن ئەو ژی باش دزانن ئەو نە دادپەروەریە لێ ڤی دەمی ل ناڤا وەرزشا عیراقێ یێ راستگوبیت دێ ھێتە سزادان، راستە ئەو یێ ھاتیە سزادان ھەتا دووماھیا ڤی وەرزێ لێ ئەو دێ یێ بەردەوام بیت ل سەر داخویانێن خوە و وی گەلەک نەھێنیێن دی ژی ھەنە یێن سەروک و ئەندامێن ئێکەتیا تەپا پێ ل دەمێ ھەلبژارتنێن ئێکەتیا تەپا پێ ل نێزیک دێ بۆ ھەمی خەلکێ کوردستانێ و عیراقێ ل دەزگەھێن راگەھاندنێ دیارکەم.
تەھا ئاماژە ب وێ چەندێ ژی کر ئێکەتیا تەپا پێ یا عیراقێ ھەتا نوکە چو ھەلویستێن باش بەرامبەر یانێن ھەرێما کوردستانێ نە وەرگرتی نە ژبەر ئەو پەیڤ و گوتنێن جەماوەرێ یانێن بەغدا دژی یانێن کوردستانێ دھێنە گوتن کو دورن ژ گیانێ وەرزشی دڤێت ئێکەتیا تەپا پێ ھەلویستەک ھەبیت .
ھەژی گوتنێ یە ئێکەتیا تەپا پێ سەرپەرشتێ تیما تەپا پێ یێ زاخۆ تەھا ھەتا دووماھیا ڤی وەرزی سزادایە کو وی ماڤ نینە ل ناڤا یاریگەھێ بیت ل گەل تیما خوە ل دەمێ کرنا یاریێن خولێ
