یانەکا خولا عیراقێ ژبەر ئەگەرەکێ سەیر خوە ژ خولێ ڤەکێشا
ئەڤرۆ نیوز:
دەستەیا کارگێریا یانا سەماوە راگەھاند ئەو یاریا بھێت پشکداریێ د خولێ دا ناکەن و وەکو رێزگرتن بوو ئەوا ل یاریا ئەوان یا بوری رویدای کو پشتەڤانەکێ ئەوان ھێرشکربوو سەر یاریکەرێ یانا نەفت وەست و یاریکەرێ ھەلبژارتیێ عیراقێ کەرار جاسم و پشتەڤانیا ئەڤان کاران ب ھیج رەنگەکی ناکەن ئەوان ژی ژبەر وێ چەندێ د یاریا بھێت دا پشکداریێ ناکەن وەکو رێزگرتن بۆ یاریکەرێ نیڤدەولی کەرار جاسم.
زێدەتر رێڤەبەرێ تیما سەماوە عەلی عەبد حسێن بۆ کەنالێ عیراقی یە سپورت دیارکر بتنێ بۆ یاریا بھێت پشکداریێ د خولێ دا ناکەن و پشتی یاریا نەفت ئەو دێ جارەکا بەردەوامی دەنە یاریێن خولا عیراقێ و داخوازی ژ ئێکەتیا تەپا پێ یا عیراقی کر بریاریێن خوە ب دژوارتر لێ بکەن ل سەر جەماوەرێن ئەوان یانا ئەوێن ئاریشا دناڤا خولێ دا کەن.
ھەژی گوتنێ یە ئەڤ ڤەکێشانا بوویە جھێ گومانا گەلەک کەسان ل عیراقێ کو ژ نشکەکی ڤە ئەڤ بریارە ژلایێ کارگێریا یانا سەماوە ھاتە دانێ کو بتنێ د بەرژوەندیا یانا نەفتێ دا یە و ھەتارادەکێ مەزن یانا نەفت دێ پلێتا دەربازبوونا قوناغا نوخبەر مسوگەر کەت ب ئەڤان سێ خالان و بوویە جھێ نە رازیبوونا یانێن نەفت ئەلجنوب و نەفت میسان و تەلەبە ژبەرکو ئەڤ بریارە د بەرژوەندیا ئەوان دا نینە .
