ب ژمارە باشترین گولكەرێن یانا ریال مەدرید بنیاسە
ئەڤرۆ نیوز، ھەژار مەعروف:
ستێرا پرتوگالی و یانا ریال مەدرید کریستیانو رۆنالدو رێزا ئێکێ دھێت د لیستەیا باشترین گولکەرێ یانا ریال مەدرید د مێژویا یانێ دا کو ٣٤٦ گول تومارکری نە ژ ٣٣١ یاریا کو ژ سالا ٢٠٠٩ وەرە ل گەل یانا ریال مەدرید یاریێ کەت و یاریکەرێ یانا ریال مەدرید یێ بەری نوکە رەئول گونزالیس ئەوێ ژیانا خوە ل گەل یانا مەلەکی دەستپێکری رێزا دوێ دھێت ب تومارکرنا ٣٣٢ گولان کو ژ سالا ١٩٩٤ ھەتا ٢٠١٠ یاری ل گەل ڤێ یانێ کری.
ئەڤە ژی لیستەیا ئەو یاریکەرێن دی نە ئەوێن دھێنە ھژمارتن گولکەرێن مێژوی یێن یانێ.
کارلوس سانتیلانا ٢٨٩ گولا تومارکری نە ژ سالا ١٩٧١ ھەتا ١٩٨٨ یاری بۆ یانا ریال مەدرید یا کری.
ستێرا ھەلبژارتیێ بەرازیل کو دھاتە ھژمارتن ئێک ژ مەترسی ترین ھێرشبەر ل جیھانی ژ سالا ٢٠٠٢ ھەتا ٢٠٠٧ شیابوو ٨٧ گولان بۆ یانا ریال مەدرید توماربکەت و یاریکەرێ ھەلبژارتیێ شیلی ئیفان زامارانو ژ سالا ١٩٩٢ ھەتا ١٩٩٦ شیابوو ١٠١ گولا ل گەل یانا مەلەکی تومارکر بوون.
یاریکەرێ بەرێ ھەلبژارتیێ مەکسیک ھوگو شانسیز دھاتە ھژمارتن گولکەرەکێ مەترسی ل سالێن ھەشتیان دا شیا بوو ٢٠٨ گولا ل گەل ریال مەدرید توماربکەت دناڤبەرا سالێن ١٩٨٥ ھەتا ١٩٩٢ و ئیمیلینو پوتراگنیو ١٧١ گولا توماربکەت ل سالا ١٩٨٣ ھەتا ١٩٩٥ یاریێ بۆ یانا ریال بکەت.
کەریم بن زیما ئەوێ ژ سالا ٢٠٠٩ وەرە ھەتا نوکە یاریێ ل گەل یانا ریال مەدرید کەت شیا ١٥٦ گولا بۆ ریال توماربکەت کو ١٠٦ گول بتنێ خولا لیگا کری نە .
