سوباھی دو یانێن دھۆکێ چاڤ ل چار گوشا زێرینە
ئەڤرۆ نیوز:
چاڤەرێ دھێـتەکرن سوباھی دو یاریێن چارەنڤێسی دخولا فاستلینک یا کوردستانێ دا بھێنەکرن ژ چارچوڤێ یاریێن کوما دوێ کو سێ یانە ھەڤرکیا دەربازبوونا دو پلێتێن دەربازبوونێ کەن ئەوژی پێشمەرگە و دھۆک و گارە .
ل یاریگەھا خوە یانا پێشمەرگا ھەولێرێ سەرکێشا کومێ ب ١٧ خالان دێ مێڤانداریا خودانا رێزا سیێ یانا گارە کەت کو سەرکەفتی ڤێ یاریێ ئێکسەر دەربازی قوناغا چارگوشا زێرین بیت و بتنێ دڤێ یاریێ دا سەرکەفتن د بەرژوەندیا گارە دایە و ھەر ئەنجامەکێ دی د بەرژوەندیا دھۆک و پێشمەرگە دایە .
ژلایەکێ دیڤە ل یاریگەھا نەوروز یانا دھۆک خودانا رێزا دوێ ب ١٦ خالان دێ بیتە مێڤانا یانا نەوروز خودانا ١١ خالان ئەوا رێزا بەری پێنجێ دھێـت کو ئەڤ یاریا بۆ یانا دھۆک گەلەک یا گرنکە تیما دھۆک پێدڤی ب سەرکەفتنێ یە دا دەربازبوونا خوە مسوگەر کەت بۆ چارگوشا زێرین و دبیت ب خوسارەتیێ ژی دەرباز بیت لێ ب مەرجەکی گارە د یاریا بەرامبەر پێشمەرگە خوسارەت بیت .
د یاریەکا دی دا ھەردو یانێن سولاڤ و برایەتی دی ھەمبەری ئێک بەن.
بەری یاریێن گەرا شەشێ ھەلویستێ کوما دوێ ب ڤی شێوەیە
پێشمەرگە ھەولێر ١٧ خال
دھۆک ١٦ خال
گارە ١٥ خال
برایەتی ١٢ خال
نەوروز ١١ خال
سولاڤ ٢ خال
