بەری دەست ب کارێ خوە بکەت بزانە گواردیولا داخوازیا دورخستنا کیژ یاریکەری کری یە
ئەڤرۆ نیوز:
راھێنەرێ ئیسپانی پیپ گواردیولا ئەوێ ب فەرمی بۆ وەرزێ بھێت ھەڤبەستا یانا مانچستەر سیتی یا ئینگلیزی ئیمزاکری داخوازی ژ کارگێریا یانا ئینگلیزی کری یە دەستا ژ یاریکەرێ ھێلا بەرەڤانیی و کابتنێ یانێ کومبانی بەردەن .
رۆژناما دەسەن یا ئەلکترونی نوچەیەک بەلاڤەکری یە تێدا دیارکری یە گواردیولای داخوازی ژ یانا مان ستی کری یە ھەڤبەستا کومبانی یاریکەرێ ھەلبژارتیێ بەلجیکا ب دووماھی بینن ژبەرکو ل وەرزێ ئەڤ سالە زوربەیا یاریان پشکداری د یاریێن خولێ دا نەکری یە ژبەر ھنگافتنێن بەردەوام یێن کومبانی و بۆ یانێ دیارکری یە ھەڤبەستێ ل جھێ وی ل گەل پێگھورێ وی ئیمزابکەن ئەوژی یاریکەرێ فەرەنسی و یانا ئەتلەتیکو بلباو یا ئیسپانی ئێمریک لاپورت.
بەری نوکە ژی چەند رۆژنامەیێن برێتانی دیارکری یە دبیت ل ماوێ بھێت گواردیولا دەستا ژ ھژمارەکا دی یا یاریکەران بەردەن ژبەرکو شێوازی کرنا ئەوان یاریکەرێن مانچستەر سیتی ل گەل یاریا وی نا گونجیت.
