بنعەتیە بەر ب یوڤانتوس
ئەڤرۆ نیوز، زنار:
راپورتێن رۆژنامەڤانی ھوسا خویاکریە کو بەرەڤانێ یانا بارین موینخ مەھدی بنعەتیە نێزیکی یانا یوڤانتوس یا ئیتالی بویە ب شێوەکێ بەروەخت بۆ ماوێ سالەکێ.
زێدەتر د ڤی چارچوڤەی دا رۆژناما بێلد یا ئەلمانی بەلاڤ کریە کو بەرەڤانێ یانا بایرن میونخ مەھدی بنعەتیە ل دوماھیا ڤی وەرزێ دێ ب شێوێ خواستن و بەروەخت بۆ ماوێ سالەکێ بەر ب یانا یوڤانتوس یا ئیتالی چیت بەرامبەر کوژمێ دو ملیۆن یورویا بەرامبەر مەرجێ کرینا ڤی یاریکەری ل دووڤ داخوازا یانا ئیتالی بەرامبەر کوژمێ ٢٢ ملیۆن یورویا، و ئەڤ رێککەفتنە ب فەرمی ناڤبەرا بەرپرسێن ھەردو یانا دا ھاتیە کرن و ل سەر ڤێ چەندێ ژی رێککەفتینە کو یانا باڤاری دێ یاریکەرێ یانا یوڤانتوس یێ فرەنسی کینجیسلی کومان بەتە ناف رێزێن خوە لێ ھێشتا ئەڤ چەندە ب فەرمی نە ھاتیە ئاشکرا کرن.
