بزانە بوچی یاریکەرێن بەرازیل بۆ یاریا شەڤەکا دی باوەری ب خوە نەمایە؟
ئەڤرۆ، زنار:
یاریکەرێن بەرازیل باوەری ب خوە نەمایە بۆ یاریا شەڤەکا دی ئەوا بریارە ل ھەمبەر ھەلبژارتیێ پارگوای ئەنجام بدەت ژ ڤاڤارتنێن دەربازبونێ بەر ب موندیالا روسیا ٢٠١٨.
روژنامەیێن بەرازیل دیارکریە بێزاریەک ل دەف یاریکەرێن ھەلبژارتیێ بەرازیل پەیدابویە ژ ئەگەرێ وێ وەکھەڤیا یاریا بوری ھەمبەر ھەلبژارتیێ ئوروگوای پشتی بەرازیل شیای نیڤا ئێکێ دو گۆلان توماربکەت لێ دووڤ دا ئوروگوای ب رێکا کاڤانی و سوارێزی شیان وەکھەڤیێ بینن ل ناڤ ئەرد و جەماوەرێ بەرازیل دا ب ڤی ئەنجامی کارتێکرنا خوە ل ئاستێ یاریکەرێن بەرازیل کریە تایبەت پشتی ھەردو یاریکەرێن وێ نیمار داسێلڤا و داڤید لویس ژئەگەرێ کارتێن زەر یاریا شەڤەکا دی ھەمبەر پارگوای یاریێ ناکەن کو ئەڤە ژی بویە ئەگەرێ ھەبونا ترس و نەباوەریێ ب خوە ژلایێ یاریکەرێن بەرازیل، و ل شوونا ڤان یاریکەران گابریێل و فلیپی ھاتینە داخواز کرن دیسان پشکداریا مارسێلو ژی د گومانێ دایە ل گەل نە پشکداریا یاریکەران ریناتو و ئوگوستوی کو دێ بەرازیل توشی کێشەیێن مەزن کەت د ڤێ یاریێ دا.
