ب ڤیدیۆ: کوردەک ژ خولا تورکیا بەر ب یانا دالکورد ڤە چو
ئەڤرۆ نیوز:
یاریکەرێ کورد و یانا گوزتەپە و ئەسکیشەھیر یا تورکی میرکان ئایدین ب فەرمی ھاتە ڤەگوھاستن بۆ ناڤ رێزێن یانا دالکورد یا سویدی ئەوا پشکدار دخولا پلا ئێک یا خولا وەلاتێ سوید یا تەپا پێ پشتی ھەڤبەستا خوە ل گەل یانا گوزتەپە یا تورکی یا پشکدار دخولا پلا ئێک دا ھەلوەشاندی و ب فەرمی ھەڤبەستا نوونەرا یانێن کوردا ل ئورۆپا یانا دالکورد ئیمزاکری .
بەرپرسێ ئینانا یاریکەران ل یانا دالکورد عادل کیزلی د داخویانیەکێ دا بۆ ئەڤرۆ نیوز دیارکر پشتی چەند دانوستاندن ئەو ل دووماھیێ گەھشتنە رێککەفتنێ ل گەل میرکان ئایدین بۆ ئیمزاکرنا ھەڤبەستا یانا ئەوان دخولا پلا ئێک یا وەلاتێ سوید دا و ب ھاتنا ئەڤی یاریکەری دێ ھێزەکا مەزن دەتە پێکھاتیێ یانێ ژبەرکو یاریکەرێ ناڤبری شارازیەکا باش دخولێن ئورۆپی دا ھەی .
ھەژی گوتنێ یە میرکان ئایدین خەلکێ باکورێ کوردستانێ یە یاری ل خولا بوندس لیگا ٢ کری یە زێدەتر ژ پێنج سالان ل تیما بوخوم کری یە ھەردیسان وەرزێ ٢٠١٤-٢٠١٥ ل یانا ئەسکیشەھیر دخولا سوپر لیگا تورکیا دا کر و وەرزێ ئەڤ سالە ھاتبو ڤەگوھاستن بۆ گوزتەپە دخولا پلا ئێک یا تورکیا دا.
