ژ زێرەڤانی بەر ب خولا نەمسا ڤە چو
ئەڤرۆ نیوز:
یاریکەرێ یانا زێرەڤانی و یانا ھەولێر و دھۆک یێ بەری نوکە مراد گەردی ئەوێ بەری نوکە یاری دخولا نەمسا دا کری کو ماوێ شەش سالانە ژ خولا نەمسا دورکەفتی جارەکا دی ڤەگەریا خولا نەمسا یا تەپا پێ پشتی پەیوەندی ب یانا ھارد یا نەمسا کری ئەوا دخولا پلا دو یا وی وەلاتی دا کەت .
مراد گەردی ئەوێ ل ماوێ بوری ھەڤبەستا خوە ل گەل یانا زێرەڤانی یا پشکدار دخولا کوردستانێ دا ھەلوەشاندی کو ل سەر داخوازیا کارگێریا وێ یانێ ھەڤبەستا وی ھاتیە ھەلوەشاندن و یاریکەرێ ناڤبری ژی ب ھەڤالینی ھەڤبەستا خوە ھەلوەشاند و پاش پشتی یانا ھارد یانا وی یا بەری نوکە پەیوەندی پێ کری ئێکسەر ل سەر داخوازیا وێ یانێ رازی بوو ژبەرکو ئەوی دخوازت جارەکا دی ب ڤەگەریتە نەمسا.
یاریکەرێ کورد مراد گەردی د یاریا خوە یا ئێکێ دا د حەفتیا ١٩ دا پشکداری ل گەل یانا خوە کر و د جارێکا دووماھیا یاریێ دا پشکداری کر .
ھەژی گوتنێ یە مراد گەردی بەری نوکە یاری دخولا پلا دو یا نەمسا دا کری یە ھەردیسان خولا یەمەن دا دو سالا کریە و یاری ل ھەر ئێک ژ یانێن دھۆک دو سال و ھەولێر سالەک دخولا پلا نایاب یا عیراقێ دا و ل وەرزێ ئەڤ سالە ل گەل یانا زێرەڤانی کر دخولا کوردستانێ دا .
