مانچستەر یوناید دێ شێت گولکەرێ خولا ھولەندا ب دەستخوڤە ئینت ؟
ئەڤرۆ نیوز:
رۆژناما مێترو دیارکری یە یانا مانچستەر یوناید گرنگیەکا مەزن یا ب گولکەرێ خولا ھولەندا و یاریکەرێ گەنج یانا ئەلکمار و ھەلبژارتیێ ھولەندا فینسنت یانسن دایە ژ بوو ئیمزاکرنا ھەڤبەستا وی بۆ وەرزێ بھێت .
رۆژناما تلیگراف یا برێتانی ژلایێ خوڤە دیارکری یە ل یاریا بوری یا یانا ئەلکمار ل گەل ئەیندھوڤن شاندەکێ یانا مانچستەر یوناید ل یاریگەھێ ئامادەببون بو دیڤچوونا ئاستێ یانسن ھەردیسان وێ رۆژنامێ دیارکری یە ژی یانا مانچستەر ماوەکە دیڤچوونا ئاستێ وی کەت و گرنگیەکا مەزن ب شیانێن ئەڤی یاریکەری دایە داکو ل مێرکاتویا ھاڤینا بھێت بشێت شیانێن ڤی یاریکەرێ گەنج یێ ٢١ سالی ب دەستخوڤە بینت ھەر چەندە ھەردو یانێن پاریس سان جێرمان و ئیفەرتون ژی گرنگی ب ئەڤی یاریکەری دایە بۆ ب دەستڤە ئینانا شیانێن وی.
ھەژی گوتنێ یە فینسنت یانسن ل ڤێ دووماھیێ ھاتیە ھەلبژارتن بۆ ناڤ رێزێن پێکھاتیێ ھولەندا یێ ئێکێ و نوکە ل سەرێ لیستەیا گولکەرێن خولا ھولەندا دھێت ب تومارکرنا ٢٠ گولان ژ ٢٨ یاریان .
