ئەرسنال ھەڤرکیا بەرشەلۆنا مانچستەر یوناید کەت ژ بوو دەستڤە ئینانا یاریکەرەکی
ئەڤرۆ نیوز:
راپورتێن رۆژنامەڤانی ل ئورۆپا وەسا خویاکری یە یاریکەرێ بەرازیلی و یانا پاریس سان جێرمان مارکینوس حەزا ب جھـ ھێلانا یانا خوە دایە ل ڤەگوھاستنێن ھاڤینا بھێت و بۆ یانا پایتەختی دیارکری یە ئەو ل وەرزێ بھێت دێ یاریێ ل یانەکا دی یا ئورۆپی کەت.
رۆژنامەیێن نێزیک ژ یانا پاریس سان جێرمان یارکری یە ھەر ئێک ژ یانێن بەرشەلۆنا و مانچستەر یوناید ب ھێز ھەڤرکیا دەستڤە ئینانا یاریکەرێ ھەلبژارتیێ بەرازیل کەن و یاریکەر ب نەھێنی ڤە ل گەل شاندەکێ یانا بەرشەلۆنا کومبووی یە ب ئیمزاکرنا ھەڤبەستێ ل گەل یانا کەتەلونی ل وەرزێ بھێت ھەر چەندە ھەتا نوکە یانا بەرشەلۆنا ب فەرمی چو دانوستاندن ل گەل یانا پاریس نەکری نە.
رۆژناما ئەکسپرس یا بەرنیاس ل ئورۆپا دیارکری یە یانا ئەرسینال ژی ب سەرپەرشتیا راھێنەرێ خوە ئەرسن ڤینگر ژی ھاتیە دناڤا ھەڤرکیا ب دەستڤە ئینانا مارکینوس و بەرھەڤیا خوە دیارکری یە کوژمەکێ مەزن پێشکێش ئەوی بکەن بۆ رازیکرنا یانا وی .
وی رۆژنامێ دیارکری یە ژی ھەر یانەکا دخوازیت شیانێن ئەڤی یاریکەری ب دەستخوڤە بینت پێدڤی یە نێزیکی ٤٠ ملیون جینێ ئیسترلینی پێشکێشی یانا پاریس سان جێرمان بکەت ھەتا بشێت مارکینوس ب دەستخوڤە بینت .
