ب ھاتریکا شڤێدی رونالدوی ١٠ نەمرێن نوو تومارکرن
ئەڤرۆ نیوز:
ستێرا پرتوگالی و یانا ریال مەدرید کریستانو رونالدو شڤێدی سەرکێشیا یانا خوە کر د قوناغا چارێک دووماھیێ دا پشتی شیای سەرکەفتنەکا گرنگ ل سەر یانا ڤولڤسبورک توماربکەت ب سێ گولان کو دڤێ یاریێ دا دون شیا ھاتریکەکێ توماربکەت و یانا مەلەکی دەربازی پێش دووماھیا قارەمانیا چامپیوس لیگ بەت .
ب ھاتریکا شڤێدی رونالدو شیا ١٠ نەمرێن نوو د ژیانا خوە یا تەپا پێ دا بشکێن .
ئێک: ئێک گول مایە رونالدو نەمرا خوە یا بەری نوکە بشکێنیت ئەوا ل ٢٠٣-٢٠١٤ تومارکری کو د قارەمانیا ئورۆپا دا شیابوو ١٧ گولان توماربکەت کو ل وەرزێ ئەڤ سالە ١٦ گول تومارکری نە
دو:رونالدو شیا ھاتریکا خوە یا پێنجێ د قارەمانیا یانێن ئورۆپا دا یا یانێن خولا توماربکەت کو ب وەکھەڤی ل گەل مێسی ل رێزا ئێکێ دھێن خودانێن زورترین ھاتریکا د قارەمانیێ دا.
سێ: رونالدوی ھاتریکا خوە یا ٣٧ ل گەل یانا ریال مەدرید تومارکر کو د مێژویا خوە یا تەپا پێ دا شیا ٤١ ھاتریکا توماربکەت.
چار: رونالدو ھەتانوکە شەش ھاتریک تومارکری نە ل وەرزێ ئەڤ سالە کو سێ ل خولا لالیگا و سێ چامپیونس لیگ.
پێنج: ل ٣٦ یاریێن قوناغێن دووماھیێ دا ژ قارەمانیێ رونالدو شیا گولا خوە یا ٣٤ توماربکەت کو نەمرەکا پیڤایە د قارەمانیێ دا .
شەش : رونالدو شیا گولا خوە یا ٧٨ ل دووماھی ٧٣ یاریێن خوە د قارەمانیا یانێن ئورۆپا یا یانێن خولا توماربکەت.
حەفت: رونالدو ل ١٠ یاریێن ئەڤ سالە دا د قارەمانیا یانێن ئورۆپا دا شیا ١٦ گولا توماربکەت ل گەل دروستکرنا ٤ گولان بۆ ھەڤالێن خوە ھەردیسان سێ ھاتریک.
ھەشت: رونالدو ل رێزا ئێکێ دھێت د قارەمانیا چامپیونس لیگ دا بۆ تومارکرنا گولان ب لێدانێن ئێکسەر کو ژماران ئەوان د گەھیتە ١١ گولان.
نەھـ : ب رێژەیا ٧٧% ژ گولێن ریال مەدرید د قارەمانیا ئەڤ سالە یا چامپیونس دا رونالدوی گولێن ریال مەدرید تومارکری نە کو ١٦ گول تومارکری نە ژ سەرجەمێ ٢٦ گولا.
دەھـ : رونالدو پشتی یاریا شڤێدی ھژمارا یاریێن خوە د قارەمانیا چامپیونس دا گەھاندنە ١٢٥ یاریا کو دبیتە ئێک ژ پێنج یاریکەرێن دەستپێکێ .
