بزانە ریال مەدرید کێمتر د ھەیڤەکێ دا چو مەترسی ئێخستیە سەر بەرشەلۆنا
ئەڤرۆ نیوز:
یانا بەرشەلۆنا ل شەش یاریێن خوە یێن بوری د رەوشەکا لاواز دا بوریت د یاریێن لالیگا و قارەمانیا ئورۆپا کو ل چار یاریێن خوە ل دیڤ ئێک دخولا لالیکا دا بتنێ خالەک ب دەستخوڤە ئینای یە ئەوژی ل ٢-٤-٢٠١٦ ل یاریگەھا ڤیاریال ب دو گولان وەکھەڤ بوو پاش ل سێ یاریێن دیڤدا ل دیڤ ئێک خوسارەت بووی ئەوژی ل گەل ریال مەدرید د یاریا کلاسیکو دا پاش ل گەل ریال سوسیداد و شڤێدی ل گەل ڤالێنسیا کو ل چار یاریێن بوری دا دخولێ دا ل ماوێ ٣٦٠ دقیقا بەرشەلۆنا تنێ چار گول تومارکری نە و حەفت گول سەر ھاتینە تومارکرن و ژ قارەمانیا ئورۆپا یا یانێن خولا ژی دەرکەفتی یە پشتی توشی خوسارەتیێ بووی ل گەل ئەتلەتیکو مەدرید .
یانا کەتەلونی بەری پێنج حەفتیە ب جوداھیا ١٤ خالان ل بەریا ھەڤرکا خوە یانا ریال مەدرید بوو د لیستەیا خولێ دا کو خودانا ٧٥ خالان بوو بەری پێنج حەفتیا و یانا ریال مەدرید ٦٠ خال ھەبوون لێ نوکە بتنێ خالەک مایە یانا ریال مەدرید ٧٥ خال ھەنە و بەرشەلۆنا ٧٦ خال ھەنە و یانا ئەتلەتیکو مەدرید ژی ب ھەمان خالان رێزا دوێ دھێت کو ئەوژی ب جوداھیا ١٢ خالان ژ بەرشەلۆنا یا دور بوو.
ھەژی گوتنێ یە یانا ریال مەدرید ل پێنج یاریێن خوە یێن بوری دا ژ خولا لالیگا شیا سەرکەفتنێ توماربکەت و ١٥ خالان ل خوە کومبکەت و ھەردیسان ل دو یاریێن قارەمانیا ئورۆپا ژی دا سەرکەفتنەکێ بەرامبەر خوسارەتیەکێ توماربکەت و گەھشتی یە قوناغا پێش دووماھیا قارەمانیا چامپیونس لیگ
