ب ژمارە بینە زێدان باشترین راھێنەرێ خولا لالیگایە
ئەڤرۆ نیوز:
رۆژناما “مارکا” یا ئیسپانی ئامارەک ل سەر ئەنجامێن ھەرسێ راھێنەرێن یانێن ھەڤرک دخولا لالیگا ئیسپانیا یا وەرزێ ئەڤ سالە دروستکری یە و کو ھەر ژ وەرگرتنا راھێنەرێ فەرەنسی ل گەل یانا مەلەکی ھەتا دووماھی یاری ب ژمارە دوێ ئامارێ دا ھاتینە دیارکرن و زیزو راھێنەرێ یانا ریال مەدرید یێ پێشکەڤتی بوو ل سەر ھەردو ھەڤرکیێن خوە کو ھەتا نوکە راھێنەرێ فەرەنسی و یانا ریال مەدرید رێزا ئێکێ بوو ل سەر کیستی ھەردو راھێنەران لویس ئەنریکی یێ یانا بەرشەلۆنا و دیگو سیمیونی راھێنەرێ ئەتلەتیکو کو ژلایێ ب دەستڤە ئینانا خالان و تەکنیکا یاریێ ژ لایێ بەرەڤانی و ھێرشبەری ڤە.
ل سەر دەمێ زێدان ریال مەدرید ١٥ یاری کری نە دخولا ئیسپانیا دا و شیا ٣٨ خالان کومبکەت و ١٢ یاریا سەرکەفتنێ توماربکەت ل گەل دو وەکھەڤیا و خوسارەتیەکێ و ھەر ژ وێ گەرا زێدان ئەرکێ راھێنەریا یانا ریال وەرگرتی سیمیونی ژ ئەوان ١٥ یاریان ٣٥ خال کومکری نە ل گەل دەستڤە ئینانا ١١ سەرکەفتنا دو وەکھەڤی و دو خوسارەتیا و لویس ئەنریکی راھێنەرێ بەرشەلۆنا ل ئەوان ١٥ یاریاندا شیا ٣٤ خالان کومبکەت و ١١ سەرکەفتن و ئێک وەکھەڤی ل گەل سێ خوسارەتیا کو ل دیڤ ئەڤان ئەنجامان زێدان ل دووماھی ١٥ یاریێن دووماھیێ دخولا ئیسپانیا دا رێزا ئێکێ و وەکو باشترین راھێنەرە دخولێ دا ھەتانوکە.
وێ رۆژمامێ ئاماژە ب وێ چەندێ ژی کری یە نوکە یانا مێرینگی خودانا راھێنەرەکێ خودان شیان و د دەمەکێ کورت دا زێدان شیا ئاستێ یاریکەرێن خوە وەکو بەری نوکە ڤەگەرینت و جوداھیا ١٥ خالان بھێلت بتنێ خالەک ل گەل یانا بەرشەلۆنا و د ھەمان دەم دا یانا خوە بەر ب پێش دووماھیا قارەمانیا ئورۆپا ڤە بیت و مارکا دیارکری یە ژی پێدڤی یە سەروکێ یانا ریال مەدرید فلۆرنتینۆ پێرێز یێ ھشیاربیت خەلەتیا خوە یا ل گەل ئەنشلوتی دوبارە نەکەت دەمێ دورخستی و وێ خەلەتیێ ژی ل گەل زێدان نەکەت پشتی ب دووماھی ھاتنا خولێ راھێنەری ب گوھوریت ژبەرکو ریال نوکە خودانا راھێنەرەکێ شارازا و خودان شیانە.
