پێزانينه‌كا مه‌ترسيدار ل سه‌ر راوته‌رى
ئه‌ڤرۆ نيوز، فاتما مزوورى:
شاره‌زايه‌كێ ئه‌لمانى هوشداريا ل دۆر ب كارئينانا راوته‌رێ ئه‌نترنێتێ يێ ناڤ مالان دكه‌ت و دده‌ته زانين كو به‌رى فرۆتنێ ب كه‌سه‌كێ دى، داتايان ديلێت بكه‌ن.
د وێ ده‌ربارێ دا، باربرا شتاينهۆڤل شاره‌زايێ ئه‌لمانى رادگه‌هينيت كو ئاميرێ راوه‌ته‌رى كو ئه‌نترنێتێ ڤه‌دگوهێزێت و دكه‌ته بێ وايره، ب تنێ ئه‌ڤى كارى ناكه‌ت، به‌لكو پێزانينێن هه‌ستيار ل ده‌ڤ خوه دهێليت، ژ به‌ر هندێ دخوازيت به‌رى فرۆتنێ راوته‌رێ خوه ب ڤه‌گه‌ريننه سه‌ر سيسته‌مێ كرينێ يێ ده‌سپێكێ Factory Settings.
شتاينهۆڤل دده‌ته زانين كو ئاميرێ راوته‌رى چه‌ندين پێزانينان د ده‌رباره‌ى چاوانيا بكارئينانا ئه‌نترنێتێ د ناڤ مالان دا ب خوه ڤه دگريت و ئه‌ڤه ژى دبيت بگه‌هنه كه‌سانێن دى و ژ وان ژى ليستا په‌يوه‌نديێن تله‌فۆنى و ژمارێن وان و گه‌له‌ك داتايێن دى يێن وه‌كو پرۆتۆكولێن ئه‌نترنێتێ ب خوه ڤه دگريت.
دا كو بگه‌هينه سيسته‌مێ Factory Settings ژى پێدڤيه ده‌ستێ خوه ب دانيه سه‌ر دوكما Reset، به‌لێ ب مه‌رجه‌كى ده‌مێ ڤى كارى دكه‌ى پێدڤيه راوته‌ر د ئه‌نترنێتێ دا بيت.
