لیڤەرپول ئەڤ ستێرا پاریس سان جێرمان دڤێت
ئەڤرۆ نیوز:
راھێنەرێ ئەلمانی یێ یانا لیڤەرپول یورگن کلوب داخوازیت ل وەرزێ بھێت ھژمارەکا یاریکەرێن خودان شیان ل خوە کومبکەت و ب مەرەما دروستکرنا تیمەکا ب ھێز و ھەڤرکی ل سەر رێزێن پێشی و قارەمانیێن ئورۆپی .
رۆژناما فرانس فتبول یا فەرەنسی دیارکری یە یورگن کلوب داخوازی ژ کارگێریا یانا لیڤەرپول کری یە ب زیترین دەم ھەڤبەستێ ل گەل یاریکەرێ ئەرژەنتینی و پاریس سان جێرمان یا فەرەنسی باستوری ئیمزابکەن کو یانا یوڤانتوس ژی ھەڤرکیا دەستڤە ئینانا وی یاریکەری کەت.
باستوری ل سالا ٢٠١١ ژ یانا پالیرمو یا ئیتالی ھاتبو ڤەگوھاستن بۆ یانا پاریس سان جێرمان و ل ماوێ پێنج سالێن بوری ئاستەکێ باش بلند ل گەل یانا پاریس سان جێرمان پێشکێشکری یە .
رۆژناما فرانس فتبول ئاماژە ب وێ چەندێ ژی کری یە نوکە ھەڤرکیەکا دژوار یا دناڤبەرا ھەردو یانێن یوڤانتوس و لیڤەرپول دا ھەیە بۆ دەستڤە ئینانا وی کو یانا ئیتالی ٣٠ ملیون یورۆ پێ داینە بەرامبەر یانا لیڤەرپول ٤٠ ملیون یورۆ ب کرینا وی داینە لێ یانا پاریس دیارکری یە ھەر یانەکا ب خوازیت ھەڤبەستێ ل گەل ئیمزابکەت پێدڤی یە ٤٥ ملیونا پێشکێشی یانێ بکەت.
