ئه‌ندامه‌كێ لژنا پارتى ل سه‌عديه هاته كوشتن
ئه‌ڤرۆ نيوز:
ل باژێرێ سه‌عديه، ئه‌ندامه‌كێ لژنا ناوچا پارتى كو هه‌ڤده‌م موختارێ گه‌ره‌كا جافه، ژ لايێ چه‌كدارێن نه‌نياس ڤه ل به‌ر ده‌رگه‌هێ مالا وى هاته كوشتن.
حسێن عه‌لى، به‌رپرسێ لژنا ناوچا سه‌عديه يا پارتى ديموكراتى كوردستان بۆ رووداو گۆت: “چه‌كدار سێ كه‌سێن سه‌روچاڤ گرتى بوون و چار گوله‌يێن به‌رداينه عه‌لى شاكار و د جهـ دا گيانێ خوه يێ ژ ده‌ست داى”.
به‌رپرسێ لژنا ناوچا سه‌عديه يا پارتى ديموكراتى كوردستان دايه زانين ژى كو دو گوله‌يێن ب سه‌رێ وى كه‌فتين و دو ژى يێن ب پێ وى كه‌فتين”.
حسێن عه‌لى ئاماژه ب وێ چه‌ندێ ژى كريه كو عه‌لى شاكار چو كێشه‌يێن جڤاكى نه‌بووينه و ل گه‌ل چه‌كدارێن حه‌شه‌د شه‌عبى ژى هه‌ڤالينيه‌كا باش هه‌بوويه.
