حکومەتا ئیتالیا رەتکر دو راھێنەرێن وێ ھەڤبەستێ ل گەل ھەلبژارتیێ عیراقێ ئیمزابکەن
ئەڤرۆ:
وەزارەتا دەرڤە یا ئیتالی رەتکر راھێنەرێ وێ یێ شیانێن لەشی کلاودیو دوناتێلی ھەڤبەستێ ل گەل ھەلبژارتیێ عیراقێ یێ تەپا پێ ئیمزابکەت بۆ ڤاڤارتنێن موندیالا جیھانی ل روسیا پشتی ل ماوێ بوری راھێنەرێ ناڤبری ژی حەزا خوە دیارکری بۆ ئەرکێ وەرگرتنا راھێنەریا شیانێن لەشی ل گەل ھەلبژارتیێ عیراقێ.
راھێنەرێ ناڤبری نڤێسینەکا فەرمی پێشکێشی وەزارەتا دەرڤە یا ئیتالی کر کو تێدا دیارکر بوو ھەلبژارتیێ عیراقێ ب فەرمی داخوازی ژ ئەوی کریە ھەڤبەست ل گەل ئیمزابکەن لێ وەزارەتا دەرڤە یا ئیتالی ئەڤ چەندە رەتکر و د بەرسڤا کلاودیو دا دیارکر بوو ئەو ل سەر ڤێ چەندێ نە رازیبنە ژبەر سلامەتیا وەلاتیەکێ خوە ئەو قەبول ناکەن چو وەلاتیێن وان تایبەت یێن وەرزشڤان ھەڤبەستا ل وەلاتێ عیراقێ ئیمزابکەن ل ڤی دەمی ژبەرکو کاودانێن عیراقێ نوکە گەلەک لاوازن .
ھەردیسان وەزارەتا دەرڤە یا ئیتالی رەتکر راھێنەرێ گولچیا ژی ھەڤبەست ل گەل ھەلبژارتیێ عیراقێ ئیمزابکەت ژبەر ھەمان ئەگەر کو راھێنەرێ عیراقێ رازی شنێشل ب فەرمی داخوازی ژ ئێکەتیا تەپا پێ یا عیراقێ کر بوو ھەڤبەست ل گەل ئەڤان ھەردو راھێنەران ئیمزابکەن و ئێکەتیا تەپا پێ ژی ب فەرمی ھەڤبەست پێشکێشی ھەردو راھێنەران کر بوو ل ماوێ بوری.