ب وێنە ھەلبژارتیێ ھەرێما ئەرمینیا رۆژئاڤا بنیاسە
ئەبخازیا، مللەت جەمال:
ھەلبژارتیێ ھەرێما ئەرمینیا رۆژئاڤا ئێک ژ ھەلبژارتیێن پشکدار د قارەمانیا کونیفا یا ھەرێما ئەوا نوکە ھەڤرکیێن وێ ل ھەرێما بەبخازیا یا روسی ھێنەکرن و ھەلبژارتیێ ھەرێما ویستیرن ئەرمینیا یان ئەرمینیا رۆژئاڤا پایتەختێ وی ئەریڤانە زمانێ وێ یێ فەرمی ئەرمەنی و روسی یە کو بەری نوکە ئەڤ ھەرێمە ژلایێ گەلەک دەولەتان ھاتیە داگیرکرن ئەوژی عوسمانی و دەولەتا تورک و فارس ھەردیسان ئیمبراتوریا روسیا گەلەک شەر و داستن ل ڤی وەلاتی ھاتینەکرن.
ئەرمینیا رۆژئاڤا خولەکا تایبەت ب ھەرێما خوڤە ھەیە و ئەوژی خولا پلا نایاب یا ئەرمینیا ویستیرن پێکھاتی یە ژ ھەشت یانە زوربەیا یاریزانێن ھەلبژارتیێ ھەرێما ئەرمینیا ئەوێن پشکدار د قارەمانیا کونیفا دا ل وێ خولێ کەن و ھەردیسان پیشەکار ژی ھەنە ل خولا بەلجیکا و فەرەنسا دخولێن پلا دو سێ یێن وی وەلاتی دا یاریێ کەن و ل وەلاتێ فەرەنسا ھژمارەکا مەزن یا خەلکێ ھەرێما ئەرمینیا یا رۆژئاڤا ل وێرێ ئاکنجی بووینە تایبەت ل باژێرێ مارسیلیا و ھەر ژ بەر وێ چەندێ ژی یانەیەک ل وی وەلاتی دروستکری یە ب ناڤێ ئەرمینیا کو دخولا پلا سێ یا فەرەنسا دا کەت و چەندین یاریکەرێن ھەلبژارتیێ ئەرمینیا یێن پشکدار ژ وێ یانێ نە .
ھەلبژارتیێ ھەرێما ئەرمینیا رۆژئاڤا وەکو خوبەرھەڤکرن بۆ پشکداری کرنێ د قارەمانیا کونیفا دا کەمپەکا راھێنانی ل وەلاتێ فەرەنسا دانابوو تایبەت ل باژێرێ مارسیلیا ل وێ کەمپێ یاریەکا ھەڤالینی ل گەل تیما دوێ یا مارسیلیا کر بوو ئەوا پشکدار دخولا پلا ئێک یا فەرەنسا دا تێدا ب ئەنجامێ سێ گولان بەرامبەر دو گولان خوسارەت بوو کو ئەڤ ھەلبژارتیی یە دھێتە ھژمارتن ئێک ژ ب ھێزترین ھەلبژارتیا د قارەمانیا کونیفا یا ئەڤ سالە دا و ب ھێز ھاتیە بۆ ھەڤرکیێ ل سەر ناسناڤێ قارەمانیێ.
ھەژی گوتنێ یە بریارە ئەڤرۆ ھەلبژارتیێ ھەرێما ئەرمینیا یاریا خوە یا ئێکێ د قارەمانیێ دا ل گەل ھەلبژارتیێ گزیرتا کوریا ئەوا دکەڤیتە دناڤبەرا مولدیفیا و کوریا باکور بکەت.
