دێ ژ مورینهوى ره‌ڤیت و به‌ر ب ڤێ یانا ئیسپانى ڤه چیت
ئه‌ڤرۆ:
ژێده‌رێن ده‌نگوباسى ل باژێرێ مانچسته‌ر یوناید دیاركرى یه یاریزانى نیڤده‌ولى یێ ئیسپانى خوان ماتا دێ یانا مانچسه‌ر یوناید ب جه هێلیت ژبه‌ر راهێنه‌رێ نوو یێ یانا مان یوناید جوزێ مورینو ژبه‌ر ئه‌و په‌یوه‌ندیێن لاواز یێن دناڤبه‌را هه‌ردو كه‌سان ل ماوێ بورى تایبه‌ت ل یانا چێلسى ل سالا 2014.
رۆژناما ماندو دیپورتیڤو لاكه‌رونیا دیاركرى یه ماتا یێ 28 سالى په‌یوه‌ندیێن وى گه‌له‌ك لاوازن ل گه‌ل راهێنه‌رێ پرتوگالى و ئه‌ڤ چه‌نده ژێ وه‌سا د گه‌هینت ماتا دێ نه‌چار بیت یانا مانچسته‌ر ب جه بهێلت سه‌راراى ماتا ئێك ژ یاریكه‌رێن سه‌ره‌كى بوو ل گه‌ل یانا مانچسته‌ر ل وه‌رزێ ئه‌ڤ ساله كو 47 یاریان وه‌كو یاریزانه‌كێ سه‌ره‌كى ل گه‌ل مانچسته‌ر كرى یه د هه‌مى یاریێن ئه‌ڤ ساله دا لێ ژبه‌ر ئه‌و په‌یوه‌ندیێن وى ل گه‌ل مورینوى ئه‌و دخوازیت ل مێركاتویا بهێت ل یانه‌كا دى یاریێ بكه‌ت و دبیت بهێته ڤه‌گوهاستن بۆ یانا به‌رشه‌لۆنا ل دیڤ گوتنا وێ رۆژنامێ كو یانا كه‌ته‌لونى بزاڤ كرینه بۆ ده‌ستڤه ئینانا ئه‌ڤى یاریزانى كو ل هاڤینا بورى كربوو ئارمانجا خوه .
