ل جھێ کاری گەلەک بکە کەنی
ئەڤرۆ نیوز:
دبێژن مرۆڤ گەلەک ل جھێ کاری دوەستیێت، ژ بەر ئاریشێن کاری و پلانان و کاروبارێن دی، دا کو ساخلەمیا بیردانکا خو بپارێزی، کەنی باشترین چارەیە بۆ بدەستڤەئینانا وێ چەندێ.
کەنی بەرھەمی زێدە دکەت:
ئەو رۆژێن کەیف و کەنی تێدا نەبن و بتایبەت ل جھێ کاری مرۆڤی بێزار دکەن، کەنی ئاستێ “ئەندۆرفینی” ھورمۆنێ دلخۆشیێ زێدە دکەت و وەستیانێ کێم دکەت و وەدکەت مرۆڤ باشتر کارێ خوە ئەنجام بدەت.
کەنی کاری ل بەر مرۆڤی سڤک دکەت:
کارکرن د ناڤ سەقایەکێ تەنا و کەیفخۆش دا یا ھاریکارە بۆ سڤککرنا بارێ گران و ئەنجامدانا کاری ب دلەکێ خۆش.
کەنی ھەڤبەندیێن باشتر ئاڤا دکەت:
ئەو تیمێ ب پێکڤە دکەنە کەنی و ب پێکڤە کاردکەن، وزەیەکا ئەرێنی ددەتە مرۆڤی، کەنی داھێنانێ ب ھێز دئێخیت.
کەنی پاتریا مرۆڤی شەحن دکەت:
ھندەک جاران مە پێدڤیا ب ھندەک کەنیێ ھەی دا بشێی باشتر کارێ خوە ئەنجام بدەی، پیچەکا کەنیێ باشترە ژ ڤەخوارنا قەھوێ.
کەنی باشترین رێیە بۆ خوە قورتالکرنێ ژ فشاران:
یا زانایە کو کەنی رەوشەکا ئەرێنی بۆ مرۆڤی پەیدا دکەت و وەدکەت مرۆڤ پتر خوە ل بەر نەخۆشیان بگریت، ھەروەسا ناھێلین مرۆڤ یێ دودل بیت، کەنی وان پەردێن د ناڤبەرا تە و خەلکی دا ناھێلیت و کارێ تە بساناھیتر برێڤە دبەت.