زێدهكرنا كارێن باش د دههكێن دووماهیا رهمهزانێ دا
خووشك و برایێن رێزدار نوكه ئهم یێ كهفتینه د دهه رۆژێن پیرۆزێن دووماهیا ههیڤا رهمهزانێ دا، هیڤى دكهین خودایێ مهزن و دلوڤان ڤان دهه رۆژان بكهته وهرزێ ئازاكرنا ژ ئاگرێ دۆزهخێ، پێغهمبهری سلاڤ ل سهر بن د ڤان دههكان دا زێده عیبادهت دكر، ههروهكو د سهحیحا موسلمى دا، عائیشا رازیبوونا خودێ لێ بیت دبێژیت: [كان رسول الله صلى الله علیه وسلم إژا دخل العشر أحیا اللیل وأیقڤ أهله وجد وشد المئزر] موسلم ژماره (1174)، دهمێ پێغهمبهر سلاڤ ل سهر بن دكهفته د دههكێن دووماهیێ دا ب شهڤێ عیبادهت دكر و خێزانا خوه ژ خهو رادكر. ههروهسا دبێژیت: [كان رسول الله صلى الله علیه وسلم یجتهد فی العشر الأواخر ما لا یجتهد فی غیرها] موسلم ژماره (1175)، ئانكو پێغهمبهری سلاڤ ل سهر بن د ڤان دههكان دا زێدهتر ژ دهمێن دی عیبادهت دكر، بگره ژ كرنا نڤێژێن سونهت و خواندنا قورئانێ و خوه بۆ ڤان كار و عیبادهتان ڤالا دكر، لهورا یا گرنگه خووشك و برایێن موسلمان مرۆڤ كارێن دونیایێ سڤك بكهت و خوه تهرخان بدكهت بۆ عیبادهتان، چونكی ئهڤ دههكه دپیرۆزن.
ژ سالۆخهتێن ڤان دههكان، ئهوه كو مرۆڤ شهڤێ ب عیبادهتان ب حهیرینیت و نڤێژا درێژ بكهت، ئانكو ب سوجده و ركوعێن درێژ، ههروهسا مرۆڤ خێزانا خوه ژ خهو راكهت بۆ حهیراندنا ڤان شهڤێن پیرۆز و پشكداریا موسلمانان بكهن، چونكی گهلهك خهلكی هاى ژ زارۆیێن خوه نینه و ههتا درهنگی شهڤێ دهێلنه سهر جادان و رێزێ ل ڤان دههكان ناگرن، ئهڤه ژی بۆ خراب پهروهردهكرنێ دزڤریت، ئهڤهژی خوسارهتیه كو ئهڤ رۆژه بهێن و بچن ئهم و زارۆیێن خوه دغافل بین. چونكی ئهو گاڤا دهمێ عیبادهتى دهێت دێ بینی ئهو دنڤستینه ز رهنگه نهگههنه رهمهزانهكا دی. هندهك دبێژن ئهڤ عیبادهته سونهتن و نهفهرزن و ب تنێ ئهم دێ فهرزان بجه ئینین. ههروهسا ژ سالۆخهتێن ڤان دههكێن پیرۆز شهڤا لهیلهتولقهدر دكهڤیته تێ دا، دوعا ژ خودێ دكهین رزقێ تێ بێخیت، خودێ دبێژیت: {لیله القدر خیر من ألف شهر} [القدر 3] ههروهسا د سهحیحهینێ دا ژ ئهبو هورهیرهى هاتیه ڤهگوهاستن و دبێژیت پێغهمبهر سلاڤ ل سهر بن گۆتیه: [من قام لیله القدر إیمانا واحتسابا غُفر له ما تقدم من ژنبه] بوخاری دهرێخستیه، ژماره (1901) و موسلم ژماره (760). ئانكو ههركهسێ بگههیته ڤێ رۆژێ و ب ئیخلاس ب حهیرینیت، ههمى گونههێن وى دێ هێنه ژێبرن، ئهڤجا مرۆڤێ موسلمان ڤێ رۆژێ ب دهست خوه نائێخیت ئیلا ڤان دههكان بۆ خوه بدهلیڤه بزانیت و ب حهیرینیت، چونكى نههاتیه دیاركرن كا دكهڤیته د كیژ رۆژێ دا، ئهڤه ئێكه ژ حیكمهتێن خودایێ مهزن، داكو موسلمان ڤان دههكێن پیرۆز زێده عیبادهتى تێدا بكهن.
ئهڤجا پێدڤیه د ڤان دههێن دووماهیا ههیڤا رهمهزانێ دا خوه ب وهستینین، نهمازه ئهڤ دهه رۆژه رۆژێن ئازاكرنا ژ ئاگرینه، ژ پێغهمبهری سلاڤ ل سهر بن هاتیه ڤهگوهاستن كو دبێژیت: “شهر أوله رحمه وأوسگه مغفره وێخره عتق من النار” ئانكو ئهڤ ههیڤه دهستپێكا وى رهحمهته و نیڤا وێ غهفراندنا گونههایه و دووماهیێ وێ ئازاكرنا ژ ئاگری یه، ئهڤجا ئهو موسلمانێ ئهڤ وهرزێن خێرێ ب سهردا دهێن و دهلیڤێ ژ دهست نهدهن و هیبادهتى دكهن ئهو دێ رازیبوونا خودێ بدهست خوهڤه ئینن، لهورا ئهڤ موسلمانه دێ خۆشی و بهرهكهتێن ڤێ ههیڤێ تام كهت و دێ پلێن بلند بدهست خوهڤه ئینیت.
