ژبەر یانا زێرەڤانی ئاتایێ ھەڤبەستا جەویە رەتکر
ئەڤرۆ،محەمەد عەلی:
د داخویانیەکا تایبەت دا یاریزانا فۆتسالا سەنحاریب ئاتا داوود بۆ رۆژناما ئەڤرۆ دیارکر کو ئەڤە بۆ ماوەیێ ھەیڤەکێ یە یانا جەویە یا بەغدایی بزاڤێن مەزن کرینە پەیوەندیکرنێ دگەل تیما وان بکەم، ئەوا نوکە خۆ بەرھەڤ دکەن بۆ چارگۆشا زێرێن یا قارەمانیا عیراقێ.
زێدەتر ئاتا داوود گۆت، ئەڤە بۆ جارا چارێ یە یانا جەویە بزاڤان دکەت کو ئەز بچمە دناڤ رێزێن تیما ئەوان
، بەلێ وەکو رێزگرتنەک بۆ یانا زێرەڤانی کو ددەمەکی دا ئەز یاریزانا وان بووم و دیسان یانا پارێزگەھێ یە من ب چو رەنگان ھەڤبەستا وان قەبوول نەکریە و من داخازا لێبورینێ ژ ئەوان خواستی یە،کوژمێ ھەڤبەستا ئەوان یا گرنگ نینە بوو من ژبەرکو ئەو تیم ئێک ژ ھەڤرکیێن ب ھێزە ل گەل تیما زێرەڤانی بۆ برنا قارەمانیێ لەورا من داخازا لێبورینی ژ ئەوان خواست.
ژلایەکێ دیڤە ئاتایێ گۆت: گەلەک ب زەحمەتە ئەز کچا باژێرێ دھۆکێ بم و ب سانەھی ببمە یاریزانەکا تیمەکا ھەڤڕک بۆ تیمەکا باژێرێ خوە و سەرارای ئەوێ چەندێ تشتەکێ ئاسایی یە د وەرزشێ دا.