ئاشتیا نشتیمانى پێدڤى دیدارهكا سهرۆك بارزانى و نهوشیروان مستهفایه
مافێ چارهنڤیس و سهرخۆبوون و ئازادیێ، گهلهك یا ب رۆمهته دڤێت ههموو شیان و هێز بهێنه بكارئینان بۆ دهستهبهركرنا ڤێ ئارمانجا پیرۆز، نوكه رهوشا باشوورێ كوردستانێ خورستى نینه، ههر ئهندامهكێ جڤاكێ كوردستانێ ههست ب شهپرزهیێ دكهت كو كهسهك ل گهل ڤێ پێلا ئالۆزى و شهپرزهیێ نینه كو خوه ل ڤێ دودلیا خهلكى بكهته خودان.
وهلاتیێ بێ گونهه كو بووینه قوربانى ململانێن لایهنێن سیاسى حهز دكهن ئهڤ رهوشا ئالۆزا سیاسى دهرباز ببیت و پرسیار دكهن بۆچى هند ژ ئێك دوورن و پێكهاتنێ ناكهن داكو رهوش ب رهنگهكێ گشتى چارهسهر ببیت، دڤێت ههموو پارتێن سیاسیێن ههرێما كوردستانێ و رێكخراوێن جڤاكێ مهدهنى ههست ب ڤێ ئێش و دهردهسهریێن وهلاتیان بكهن و دیسان ههست ب وێ دهلیڤا دیرۆكى یا دیاركرنا مافێ چارهنڤیس بكهن كو بۆ گهلێ كورد پهیدابووى و بزاڤێ بكهن ناڤ مالا كوردى رێك بێخنهڤه داكو لهز د پرسا ریفراندۆمێ دا بهێته كرن و وهكو ب دههان مللهتێن جیهانێ ئهم ژى چارهنڤیسێ خوه دیار بكهین.
كێشا سهرهكى یا ئالۆزبوونا رهوشا سیاسى یا ههرێما كوردستانێ، ههردو هێزێن سیاسى، پارتى دیموكراتى كوردستان و تهڤگهرا گۆڕانن، كو ب مخابنى ڤه د رهوشهكا هوسا یا نازك دا پرۆپاكندێن ژههركرى دژى ئێك بكار دئینن كو چ لایهنهك د ڤێ ههڤكێشێ دا مفادار نابیت، ژبلى نهیار و داگیركهرێن كوردستانێ، لهوما كوردستان پێدڤى ب ئاشتیهكا نیشتمانى ههیه و دڤێت پارتى و گۆڕان جارهكادى ل سهر مێزا دانوستاندنان كۆم ببن و پهرلهمانێ كوردستانێ و وهزارهتێن ب وهكالهت ب حكومهتا ههرێما كوردستانێ دهێنه برێڤهبرن، چالاك بكهنهڤه و ل ڤێره ههردو سهركرده، سهرۆك بارزانى و نهوشێروان ههردو پێكڤه كۆم ببن و ئاریشێن د ناڤبهرا خوهدا ب دانوستاندن چاره بكهن و كۆمبوونا سهرۆك بارزانى ل گهل نهوشیروان مستهفاى دێ بیته ئهگهر كو ئاشتبوونا نیشتمانى و تهبایى دروست بیت و ل ههڤ بكهن و دێ پێنگاڤهك بیت بۆ كاركرن بۆ دهولهتا سهربخۆیا كوردستانێ و رێكخستنا ناڤمالا كوردى و دێ ئهلندهكا رۆن و زهلال ل پێشیا گهلێ كورد ههبیت و چ هێز و لایهنهكێ دهرهكى نهشێن دهرزا بێخنه ناڤ رێزێن گهلێ كورد و ئێدى خهلك ژى دێ ب ئاسودهیى ژیت و دێ پتر هێز و لایهنێن سیاسى خهما وهلاتیان خۆن، ب تایبهت كارابوونا پهرلهمانێ كوردستانێ د ڤێ دهلیڤێ دا پێدڤیهكا گرنگه ژبهر كو گهلهك كاروبار یێن گرێداى ب ژیانا وهلاتیان ڤه دڤێت پهرلهمان فشارێ ل حكومهتێ بكهت كو بهێنه چارهكرن ب تایبهت پرسا پاشخستنا مووچێ فهرمانبهران كو چارهسهریهكا گهلهك لاواز بوو حوكمهتێ پێنگاڤ بۆ هاڤێتى و رهوش ئالۆزتر لێ بوویه، ههروهسا نهكارابوونا پهرلهمانى گهلهك ئاستهنگێن قانوونى دروست كرینه ههروهكو دیار قانوونا تیرۆرێ یا ژماره 3 یا سالا 2006 دڤێت بهێته خۆرتكرن ڤه و ب بریارا پهرلهمانى كو ماوێ وێ بسهر ڤهچوویه، ههروهسا قانوونا ب كرێدانا خانیان یا ژماره 9 یا سالا 2008 ئهو ژى دووباره پێدڤى ب چالاككرنێ ههیه و ب دههان بریارێن دى یێن راستهوخۆ گرێداى ب ئهمنیهت و ژیارا وهلاتیان ڤه.
