ل ژڤانێ ئێكێ دێ چ كه‌ى؟
ئه‌ڤرۆ نيوز:
د دیدارا ئێکێ دا د گەل ھەر کەسەکی دیتنەکا باش بۆ وی کەسی ل پشت خوە بھێلە، یا باش ئەوە ژی تو باندۆرەکا ب ھێز ل سەر وی کەسی بکەی دەمێ جارا ئێکێ دبینی.
ئەڤە ھندەک شیرەتن بۆ دیدارا ئێکێ، دا تشتەکێ جووان ل پشت خوە بھێلی:
– تە دڤێت جلکێن تە چ بەحسی تە بکەن:
جلکان بۆ دیدارا ئێکێ گەلەک ب ھوور و کووراتی ھەلبژێرە، رەنگەکێ تاری ھەلبژێرە ھەکە ژڤانێ ھەوە ئێڤاری بیت، رەنگەکێ زیندی و بالکێش ھەلبژێرە ھەکە ژڤانێ ھەوە سپێدە بیت، بەلێ ھەکە دیدار یا کاری بیت بلا جلکێن تە گەلەک د فەرمی بن.
تو دەست ب ئاخفتنێ بکە و یا ب ھێز بە:
ھەکە دیدار یا دلداری بیت دێ پیچەک یا بزەحمەت بیت، د ڤێ رەوشێ دا تو نەشێی دەست ب ئاخفتنێ بکە ھەکە کەساتیا تە یا بھێز نەبیت، بەلێ د دیارێن کاری دا پێدڤیە تو دەست ب ئاخفتنێ بکەی دا دیتنەکا جوان دیار بکەی و باوەریێ و شارەزایێ بۆ خوە چێکەی. د حالەتێ دیدارا دلداریێ دا، تو دشێی ژ تشتەکێ دەست پێ بکەی تە د رادیۆیێ دا گوە لێ ببیت یان د رۆژنامەیەکێ دا خواند بیت و وەسا ھێدی ھێدی دێ ئاخقتن ڤەبیت.
زمانێ لەشی ب باوەری ب کاربینە:
زمانێ لەشێ دشێت باندۆرەکا مەزن دروست بکەت، سەرەدەریێ ب باوەری بکە و پشتەکا گەرم ھەرە، بلا چاڤێن تە ژی د گەل دەوروبەران ھەڤگەھشتنێ بکەن، ب ڤێ چەندێ دێ شێی کۆنترۆلا روونشتنێ کەی.
کەنیا یێ بەرامبەر بینە:
تو تشت دو کەسان نێزیک ناکەن ھندی کەنیێ و ترانان. تو دشێی وێ چەندێ ب کومێنتەکێ یان نووچەیەکێ ب کەنی بکەی.
گوھدارەکا کارا بە:
دەمێ دۆرا تە دھێت دا گوھداریێ بکەی، گرنگیا خوە بۆ وێ ئاخفتنێ دیار بکە و بکەڤە ناڤ بابەتی، ئەو کەس دمیننە د ھزرا مرۆڤان دا یێ گرنگیێ ددەنە وان.
بگرنژە:
دەمی تو دگرنژی دێ وەسا دیار بیت تو یا کەیفخۆشی و گێولێ تە یێ خۆشە و تو ب ڤێ دیدارێ ژی یا دلخۆشی، گرنژین یێن بەرامبەر دلخۆش دکەت.
پرسیاران بکە و گرنگیێ بدێ:
دەمێ تو پرسیارا حالێ خەلکی دکەی و گرنگیێ ددەیێ، ئەو دێ بەرەوام ھزرا تە کەن، بزاڤێ د ئاخفتنا یێ بەرامبەر بگەھی و پرسیارێن دەستنیشان کری ژێ بکە و ژ بابەتی دەرنەکەڤە.
ئەو کەسێ تو د گەل دئاخڤی ناڤێ وی گەلەک بینە:
ئەڤە رێیەکا کارا و بساناھیە بۆ ھەڤگەھشتنێ د گەل کەسێن دی، چونکو ناڤێ وی کەسی ژ ھەمی تشتان پتر گرێدایی وی یە، دەمێ تو ناڤێ وی دگەل سحبەتا خوە دئینی، ئەو نیشانا داخباریێ و گرنگیێ یە.