دێ چهوا هێمایێن خوه پارێزین
ههكه مه هێما ههبن و ههتا نوكه مه و مهبهست ب مه، گشت خهلك ب هزرڤان و داهێنهر و نڤیسهر و خواندهڤا و خهلكێ ئاسایى ڤه گرنگه هندهك پێنگاڤێن كارا بهاڤێژین بۆ بهرز راگرتنا ڤان بلیمهت و زانا و ستوونێن هزرى یێن ئهم دبێژینێ هێمایێن مێژكى و داهێنهرێن هزرى و د ههموو بیاڤان دا و رێنهدان ب سڤككرنا وان یان ناڤزڕاندنا وان یان كێمكرنا لۆك و سهنگ و بهایێ وان، ئهڤه خوه ئهگهر تهخهك ژ مه حهز ژ وان وار و بیاڤان ژى نهكهت یێن ئهو زانا و هزرڤان تێدا كار دكهن، چونكو نا بیت هێما د ئێك بیاڤ ب تنێ دا ببیته بنهما و دیسان نابیت ههر ئێك ژ مه حهز و ڤیان ل سهر گشت بیاڤان ههبیت، لهو گرنگه ئهم رێزێ ل داهێنهرهكێ شانۆڤان یان ههلبهستڤان یان ژى مێژۆناس بگرین خوه ئهگهر ئهم حهز ژ هندهك ژ ڤان بیاڤان ژى نهكهین، چونكو ب ئاسانى هێما خۆیى یێن مللهتى نه و رێزا وان و پاراستنا ئهركه ل سهر ههمووان، یا دى نڤیسین و رهخنهكرن و ههلسهنگاندن و راگرتنا بهایى ب دهینه وان هێمایان دا ههر چ نهنهبیت ئاستێ وان یێ داهێنانێ ل بهرچاڤ بهێته گرتن و ژ لایێ دیتر ژیڤه ناڤدار ببن و بكهڤنه بهر دیتن و هزرا خهلكێ گشتى، یا ژ ڤان ههردووان گرنگتر ئهوه كهنالێن فهرمى كارهكێ باش د ڤى واری دا بكهن، سازى یێن رهوشهنبیرى ب پله ئێك و پاش سازى یێن میدیایێ، ژبهركو ڤان ههر دو لایهنان پتریا كارتێكرنێ ل سهر ناخێ خهلكى ههیه و دشێت رایا گشتى د ناڤ جڤاكی دا دروست بكهن، خالا ههره گرنگ ل ڤێره كار بهێته كرن گشت بهرههمێ هزرڤانانێن نڤیسینێ و سوارچاكێن وارێ هزرى و ب تایبهت یێن وهغهركرى د ئێك پرۆژه دا دووباره بهێنه چاپكرن، بێگۆمان نه ههموو داهێنهر بهلكو یێن بژاره و ب پۆلێن و ڤهكۆلین، ههر بۆ نموونه ئهگهر د رۆژا ئهڤرۆ دا جارهكا بهرههمێن دروست و ب كۆم یێن هێمایێن ناڤدارێن دهۆكێ جارهكا دى بهێنه چاپكرن دهستێ نوو یێ هزرێن پێگههشى ژ تهخا گهنج و خواندهڤانان دێ زانن وان بلیمهت و زانا و داهێنهر ههبوون، چونكو ئهڤ هێمایه نیڤشكێ هزرا دهڤهرا مهنه و بژارهیا گرا ب سهر بێژنگا مێژوویێ كهفتى، گۆمانبڕه ژى كو مێژوو پشتى بۆرینا سال و دهمان ب تنێ بهرههمێ دهێلیت و یێ دگهل بایێن پاییزێ دچیت و ل سهر هزرا وهرگرى نامینیت.
