بۆچی كهسێن (چوكهر) ل كوردستانێ پهیدا بووینه؟!
پشتى سالا 1992 و تا نوكه دیاردهكا زۆرا خراب و مهترسیدار د ناڤ جڤاكێ كوردی دا پهیدا بوویه ئهو ژى كهسێن (چوكهر)دروست بووینه و د روونشتنێن حزبى و گهنگهشه و بۆچوون و بریارێن حزبى دا پشكدارن! و د ههمان دهم دا د كۆمبوون و دانانا پرۆژه و پێشنیار و بریارێن حكوومى ژى دا پشكدارن! ئانكو پلێن حزبى ژى یێن ههین و خودان پۆستێن ئیدارینه! بازرگانن و وهبهرهێنانێ دكهن!! و خودان باوهرنامێن بلند و خودان كۆچك و كۆمپانیانن! سهنگێ خوه یێ د ناڤ جڤاكێ مهدهنی دا ههى و پشتهڤانێن چهندین رێكخراوێن جڤاكێ مهدهنینه!! و ل ههمى بیرهوهرى و ههلكهفتا ل رێزێن پێشیێ دروونشتینه!.
مخابن ئهڤ كهسه شیاینه رهێن خوه د ناڤ ههمى دهزگهه و تهخێن جڤاكى دا دبنه خار و گههشتیه وى رادهی مایتكرنێ د ههمى كار و كریاران دا دكهن و بووینه روویێ جڤاكى ژ ههمى ئالیان ڤه! و بووینه ئهگهر حزب و حكوومهت ژ كارێ موئهسهساتى دوور بكهڤن و ل دووڤ حهز و بۆچوون و بهرژهوهندیێن لوبیا كار دكهن! و خهلك بوویه قوربانى كار و رهفتارێن وان! بهلێ یاسهیر ئهوه كو سهركردێن حزبان ڤان جۆره كهسان ژ ههمیان پتر دبینن! و هزر نهكریه باشه ڤى مللهتى كهس تێدا نینه ژبلى ڤان؟.
گونهها پهیدابوونا ڤان جۆره مرۆڤا دكهڤیته ستۆیێ حزبێن كوردى كو ئهڤ كهسه زالكرینه ل سهر جڤاكى و نوكه بووینه بارگرانى بۆ حزبان ب خوه! چونكى گهۆرینا وان بوویه مهزنترین ئاستهنگ و كێشه! و تشتێ سرنج راكێش ئهوه كو سهرهرایى ڤان ههمى كێشه و قهیران و دهركرنا بریار و رێنمایێن خهلهت! قهیرانان چارهسهر ناكهن، بهلكو ب چ رهنگان ناگونجن دگهل بارودوخێ نوكه ههرێم تێدا دبۆریت! و ههر ئهو ئهگهر بوون كو قهیران و كێشه ب ڤى رهنگى دژوار ببن! و ههر ئهو یێ پێشنیار و بریار و پرۆژان بۆ چارهكرنا وان دانن! بهلێ هوسا دیاره حزبان هزر نهكریه كو كوردستان و پاشهڕۆژا كوردستانێ گهلهك ژ ڤان جۆره كهسان مهزنتره كو چارهنڤیسێ وێ بێخنه د دهستێ ڤان مرۆڤان دا!.
ئهگهر ب هوورى تهماشهی بابهتى بكهین دێ ب رۆنى ئاشكرا بیت كو د ههمى كاودان و قووناغان دا ههر ئهڤ تهخا مرۆڤان دسودمهندن! كوردستان ژ قهیرانا قورتال ببیت و كێشه چارهسهر ببن ههر ئهڤ تهخه سودمهندا ئێكێ یه! و ئهگهر كوردستان بۆ وهلاتهكێ سهربخۆ ل وى دهمى ئابوور و ئیدارهدانا وهلاتى ههر دمینته د دهستێن وان دا و رۆل دێ رۆلێ وان بیت! و ئهگهر كاودان بهرهف ئالۆزیێن خرابتر چوو، یا خویایه كو ئهڤ جۆره كهسه یان دێ بازرگانیێ ب ژیار و پاشهڕوژا خهلكى كهن یان دێ كوردستانێ هێلن و بهرهف ژ دهرڤهیى وهلاتى برێكهڤن ههر وهكى كورستان وهلاتێ وان نهبوو!.
بۆ چهندین سالێن دى دێ كوردستان نالیت ژ بهر بالا دهستیا ڤان كهسان و گومان تێدا نینه دێ كاودانان بهرهف ئالۆزیێن مهزنتر بهن، چونكى ململانهكا توند یا ههیى د ناڤبهرا وان و وى پرۆژهی دا و بهرنامێ كارى كو بهحسێ چاكسازیێ و نووبوونێ دكهت! لهورا فهره بریارا سزادان و گهۆرینا وان زوو دهركهن! چونكى ڤان مێژوویا قوربانیدانا كوردى كرێت كریه و ژ بیرا خهلكى بریه! و خهلكى باوهرى ژ دهست دایه و ژ پاشهڕۆژا خوه دترسیت! و ههست ب ههبوونا خوه ناكهت وهك وهلاتى!
لهورا زۆرا فهره حزب خوه ژ قهیدا ڤان جۆره كهسان رزگار بكهن و كارێ حزبى و حكوومهتێ و بازرگانیكرنێ ژ ئێك جودا بكهن، چونكى ئهڤه چهندین گهرێن دهرچوویێن زانكۆ و پهیمانگههان و ب سهدان كهسێن خودان هزر و بیر و خودان شیان بووینه قوربانى كار و رهفتار و بالا دهستیا ڤان كهسان، پاشى حزب و مللهت ژڤان شیانا و هزرا خوسارهت بوو! و چ بها بۆ چ تشتا نهما! ب تنێ خهلكى ئهو هیڤى و ئومێد ماینه كو چارهك ل ڤان كهسا بێته كرن و كوردستان ببیته وهلاتهكێ سهربخۆ! و ئهڤ چهنده ژى پێدڤى بریارێن وێرهك و ژیرانهیه! و مخابن ئهڤ بارگرانیه ههمى بۆ ئێك كهس مایه و ئهو ژى (سهرۆكێ ههرێمێ) كو خهلكى باوهرى ب تنێ ب شهخسێ بارزانى مایه كو چارهكێ ل ڤى بارودوخى بكهت.
