كا به‌رژه‌وه‌ندیین وه‌لاتی په‌رله‌مانتارینۆ؟!
دیرۆك شه‌رمێ ژ كه‌سێ ناكه‌ت و هه‌ر روودانان تۆمار دكه‌ت ب باشی و خرابی نیشا زارۆك و وه‌لاتیێن كوردستانێ و جیهانێ هه‌میێ دده‌ت و ئاینده بریاری دده‌ت و جار ده‌ستخۆشی یان نه‌فره‌تان دبارینیت لێ هاتنا مالكی و فه‌تلاوی بۆ سلێمانیێ سه‌ركه‌فتن بۆ ئیرانێ ئینا، لێ مخابن كه‌نی و گرنژینا فه‌تلاوی و مالكی دلێ نه‌حه‌ز و دوژمنان خۆش كر دوژمن و نه‌حه‌ز زۆر ئاشكرانه، لێ ل به‌غدا هه‌می ده‌ما په‌رله‌مانتاران دگۆت كورد به‌رژه‌وه‌ندیێن خوه دپارێزن و پێكڤه كار دكه‌ن و برانه ژبۆ پاراستنا هه‌می لایه‌نان و به‌رژه‌وه‌ندیێن كوردستانێ. ئه‌رێ پا كه‌نگی دێ كورد به‌رژه‌وه‌ندیێن وه‌لاتی و وه‌لاتیان پارێزن، لێ وه‌سا دیار نه‌بوو و ب مخابنی ڤه په‌رده ل سه‌ر ڤێ شانوگه‌ریا سیاسی ژی هاته راكرن و هه‌می تشت ئاشكرابوون كو هنده‌ك په‌رله‌مانتارێن لایه‌نێن كوردی دگه‌ل نه‌حه‌زان كار دكه‌ن ژبۆ لادانا وه‌زیرێن پارتی د په‌رله‌مانێ عیراقێ دا و پیچه‌كێ كه‌یفا دوژمنان بینن چ شه‌رمزاری یه بۆ هنده‌ك په‌رله‌مانتارێن ب ناڤێ كوردان ل به‌غدا دژی وه‌زیره‌كێ كوردان دگه‌ل حزبا مالكی و فه‌تلاوی هاتنه د گوره‌پانێ دا و ب نهێنی دژی هشیار زێباری راوه‌ستان و هنده‌ك نه‌حه‌زێن دی یێن عیراقێ ل سه‌ر ده‌مێن وان بوونه ئیك و هاریكار بوون ژ بۆ دوورخستنا وی ئه‌رێ مانه دیاره رۆژ بۆ رۆژێ خراب دبیت و ئاڤاكرنا عیراقێ زه‌حمتر لێ دكه‌ن؟ و ئێدی ب ڤه‌شارتی و ئاشكرایی عیراقێ دفرۆشنه ئیرانا زۆردار و فاشستا سێداره‌دانا رۆژانه‌یا گه‌نجێن كوردان و بن ئاخكرنا مافێن ره‌وایێن رۆژهه‌لاتا كوردستانێ و هه‌می ده‌ما دبێژیت دژی ده‌وله‌تا كوردیمه، هه‌روه‌سا مالكی و حزب و له‌شكری وی یێ چه‌په‌ل ل پارێزگه‌هێن سونا راده‌ستی تیرۆرستێن داعشان كرین و بێ هیچ به‌ره‌ڤانیه‌كا پێدڤی خه‌لك ئێخسیركر و د دووڤ دا داعشان هێرشی ئاخا كوردستانێ ژی كر و ب هزاره‌ها شه‌هید و بریندار گه‌لێ مه داینه و هه‌تا نوكه ژی پێشمه‌رگێن مه د چه‌په‌رێن به‌ره‌ڤانیكرنێ دانن و هه‌روه‌سا زۆردار مالكی و فه‌تلاوی و ..هتد بوونه ئه‌گه‌رێ قوتبڕینا قوتێ خه‌لكی و هه‌رێمێ و بڕینا بودجه و مووچێ پێشمه‌رگه‌ی و فه‌رمانبه‌رێن كوردستانێ و ئینانا هێزا دیجله بۆ سه‌ر سنوورێن كه‌ركووكا دلێ كوردستانێ و پتر ئالۆزكرنا قه‌یرانان و په‌یداكرنا وی و ده‌رزه ئێخستنا د ناڤبه‌را هه‌می لایه‌نێن حزبی یێن كوردستانی دا و ب سه‌ر و ساناهی كرین نه‌یارێن ئێك و كو دگه‌ل وان كار دكه‌ن ژ بۆ ده‌رئێخستن و لادانا وان د گوره‌پانا عیراقا فاشلا شیعی و مالكی خودانێ گه‌نده‌لیا ئاشكرا و هندابوونا 600 ملیار دۆلارێن ئه‌مریكی ژ میزانیا عیراقێ و ساله‌كێ دووڤچوون ل سه‌ر مه‌له‌فێ شكه‌ستنا مووسل و شنگال و تله‌عفه‌ر و زومار و ربیعه و گوێر و مه‌خمور و گه‌له‌ك جێهن دی و سه‌پاندنا جینۆسایدكرنا شنگالا خۆراگر و قاره‌مان و ل دووماهیی پشتی ساله‌كێ و دووڤچوونێ ده‌ركه‌فت مالكی ئه‌گه‌رێ سه‌ره‌كیێ ڤێ شكه‌ستنا سوپایی عیراقێ یه و ئینانا داعشێ یه ل عیراقێ، لێ مخابن هه‌تا نوكه په‌رله‌مانێ عیراقا فاشل نه‌شیایه مالكی ببنه دادگه‌هێ و د په‌رله‌مانی دا وی تۆمه‌تبار بكه‌ن، لێ دیاره بۆچی وان وه‌زیرێ به‌ره‌ڤانیێ و ناڤخۆ و دارایی ژ گۆره‌پانا عیراقێ دوور كرن؟ چونكی هه‌ر سێ وه‌زیرێن به‌رێز نه دگه‌ل گه‌نده‌لیێن وانن و نه‌دهێلان ئیران پتر ده‌ستێن خوه بینته د ناڤ عیراقێ دا و یاریا ب خه‌لكێ وێ بكه‌ت و نه‌جه‌ف و كه‌ربه‌لایێ بكه‌نه حه‌جا خوه و عیراقێ داگیر بكه‌ت و ب تنێ مووسل و هه‌ولێر و دهۆك تێ نه‌بن و هه‌می پارێزگه‌هێن دی هاتنه داگیركرن ژ لایی ئیرانا شیعی ڤه و ب هاریكاریا مالكی و فه‌تلاوی و حزبێن وان و گه‌لێ عیراقێ هێشتا د خه‌و و دیاره هه‌ر كه‌سێ به‌ره‌ڤانیێ ژ هه‌می ئول و مه‌زهه‌ب و نه‌ته‌وا ل عیراقێ بكه‌ت ب كوردو سونا ڤه ژی كو بگه‌هن مافێن خوه یێن ره‌وا دێ حالێ وان وه‌كی ڤان هه‌ر سێ وه‌زیرێن به‌رێز بیت و هێشتا یا تیر د بنی دا مایی و ئیران و حه‌شدا شه‌عبی زه‌ڤله‌كێن خوه باش نیشا دده‌ن كو پشتی داعشا هێرشی كوردستانێ بكه‌ن و داگیر بكه‌ن وه‌ك سالێن بۆری، دا ئازاد نه‌بیت و هه‌ر بمینیت بن ده‌ستهه‌لاتا شیعیا ئیرانێ ڤه و ب رێكا چه‌ند لایه‌نان یێن ناڤخۆیی وه‌زعێ هه‌رێمێ ببنه قووناغه‌كا مه‌ترسیدار و ئه‌نفاله‌كا دی په‌یدا بكه‌ن و خه‌لكی ته‌را و به‌را بكه‌ن و خودێ هاریكارێ گه‌لێ مه و سه‌رۆكێ كوردستانێ و پێشمه‌رگێن قاره‌مان بیت و فه‌ره گه‌ل خوه به‌رهه‌ڤ بكه‌ت بۆ هه‌ر روودانه‌كێ و پیلانگیریه‌كا دی و هێشتا یا مایی كو هنده‌ك چه‌په‌ل ب ره‌زاله‌تی و هه‌ژاری و برسی و نه‌ڤیانا وه‌لاتی و تۆره‌بوونا خه‌لكی ژ ده‌ستهه‌لاتا ب خوینا هزاره‌ها شه‌هیدێن ئه‌نفال و جینۆساید و كیمیاباران و كۆچا ملیۆنی هاتی ب هه‌لوه‌شینن ب ده‌ستێن چه‌په‌لێن نه‌حه‌ز و پیس و ئاسته‌نگان دانن دا كوردستان ده‌وله‌تا خوه یا سه‌ربخۆ رانه‌گه‌هینن و نه‌گه‌هیت ئارمانجان، له‌ورا هیڤیدارین هه‌موو لایه‌ن باش هشیاری ڤان پیلانان بن و فه‌ره پارتی باشتر پێداچوونێ د خه‌باتا خوه دا بكه‌ت و باش دوست و هه‌ڤال و برا و باوه‌ردار و نه‌باوه‌رداران ناس بكه‌ت و ژنویو تێكلیێن خوه یین سیاسی دگه‌ل هه‌می لایه‌نان دانیت و ل دووڤ قه‌بارێ ده‌نگدانێ بریڤه بچیت دا به‌س بكه‌ڤیته ئاسته‌نگان و خه‌فكان نه‌فره‌ت ل مالكی و فه‌تلاوی و هه‌ڤالێن وان و سه‌ركه‌فتن هه‌ر بۆ گه‌لێ مه یه و بژیت سه‌رۆك – بژیت پێشمه‌رگێن قاره‌مان – بژیت كوردستان.
