ئارمانجا سهرهدانا شاندێ كوردى بۆ بهغدا
ئهڤ سهرهدانا ئاست بلندا ب سهرۆكاتیا سهرۆكێ ههرێما كوردستانێ مهسعود بارزانى و ب یاوهریا ئهمیندارێ گشتیێ ئێكگرتوویا ئیسلامیا كوردستانێ و جێگرێ ئێكێ یێ سكرتێرێ گشتى یێ ئێكهتیا نیشتیمانى كوردستان و سهرۆكێ پارتا سوشیالستا كوردستانێ ل گهل دو ژ ئهندامێن پولیت بیرویا ههر ئێك ژ پارتى و ئێكهتى زێدهبارى سهرۆكێ دیوانا سهرۆكاتیا ههرێمێ ئهوا ل رۆژا 29/9/2016 بۆ بهغدا هاتیه كرن یا بوویه جهێ دهنگڤهدان و رهنگڤهدانهكا بهربهلاڤ ل سهر ئاستێ كوردستانێ و عیراقێ و دهرڤه. ههر سهرهدانهكێ ئارماجێن خوه یێن ههین و پرانیا ئارمانجان دنهێنى نه و د كۆنگرێن رۆژنهماڤانی دا نائێنه ئاشكراكرن، لێ ئهگهر شرۆڤهكرنهكا سیاسى بۆ سهرهدانێ بێتهكرن یا دیاره كو گهنگهشهكرنا ئازادكرنا مووسل و بادهكا بۆدجا كوردستانێ و قانوونا رێكخستنا دهرخستن و هنارتنا گازێ و غازێ نهكارێ ڤى شاندى بوو، بهلكو شاندێ كوردستانێ یێ چوویه بهغدا بۆ رزگاركرنا سستهمێ دیموكراسى ئهوێ كهفتیه بهر ههرهشێ ب رێكا كۆداتهیهكا پهرلهمانى و ب چهكێ پرانیێ ب سهركێشیا مالكى و هندهك ژ ئهندام پهرلهمانێن سونه ئهوێن ب سهر مالكى ڤه. دبیت پرسیار بێته كرن بۆچى كورد هاتنه سهر هێلێ بۆ ژ ناڤبرنا كۆدهتا پهرلهمانى ل سهر سستهمى. بهرسڤ ئهوه ئارمانجا سهرهكی یا كۆدهتایێ لێدان و ژناڤبرنا ئهزموونا ههرێما كوردستانێ یه. بۆ پشتهڤانیا ڤێ گۆتنا مه دو جاران سهرۆكێ ههرێمى د گوتارێن خوه دا دوپات كر كو مهرهم ژ سهرهدانا وان بۆ پشتهڤانیا سهرۆكێ ئهنجومهنێ وهزیرانێ عیراقێ حهیدهر عهبادى یه. ل كوردستانێ، ڤێ سهرهدانێ مشت و مرهك ل سهر ئاستێ جادێ پهیدا كر ب تایبهت ل سهر ئایندێ ریفراندومێ و سهربخۆیا كوردستانێ.
ل سهر ڤى بابهتى ههڤڕكیهك ههبوو د ناڤبهرا شاندێ كوردى و لایهنێ ههڤپهیمانا نشتیمانیا شیعى دا. د پهیڤێن خوه دا ههر ئێك ژ سهرۆكێ ئهنجومهنێ وهزیران حهیدهر عهبادى و سهرۆكێ ههڤپهیمانا نیشتیمانى عهمار ئهلحهكیمى داكوكى ل ئێك پارچهیا عیراقى دكر ل بهرامبهرى وان سهرۆكێ ههرێمى و ئهندامێن شاندێ كوردى د سهرهدهریكرنێ دا ل گهل روودانێ چ ل رابین و روونشتنان یان پهیڤ و گوتاران دا یان ژى د جل و بهرگان دا پیتهكێ مهزن د دا تایبهتمهندى و سهربخۆیى و كوردستانیهتا خوه و هیچ جارهكێ سهرۆكى نهگۆت ئهم یێن هاتین بۆ ئێكرێزیێ بهلكو داكوكى ل ئارمانج و كارێن ههڤپشك دكر وهك دو كیانێن جودا و وسا دیار دكر كو حكوومهتا بهغدا پێدڤى پشتهڤانیا كوردانه وهك هێزا ئێكێ ل عیراقێ. بو راكرنا ههموو گومانا ل سهر پاشڤهچوونا پرۆژێ دهولهتێ سهرۆك بارزانى د گۆنگرێ رۆژنامهڤانى دا د بهرسڤدانا رۆژنامهڤانهكى دا ئیدیهمێ جودابوونێ راست كر و داكوكى ل سهر مافێ سهربخۆیا كوردستانێ كر ب دانوستاندنان ل گهل عیراقێ. ل سهر ئاستێ عراقێ، بۆ پرانیا هێزێن عیراقى یێن شیعى و سونى دیار بوو كو كورد هوكارهكێ سهرهكى نه بۆ نههێلانا دكتاتۆریهتێ ل عیراقێ چ دكتاتۆریا هێزێ یان یا پرانیا پهرلهمانى ل ژێر ههر ناڤهكى بیت و ئهگهر هات كوردستانێ سهربخۆیا خوه راگههاند ئهو دشێن ل ئایندهى ب ریككهفتنهكا ستراتیژى و بهرگریا ههڤپشك پشتبهستنێ ب كوردان بكهن كو كوردستان ببیته كووراتیا ستراتیژیا عیراقێ ژ لایێ لهشكهری ڤه و عیراق ببیته كووراتیا ستراتیژیا كوردستانى ژ لایێ ئابوورى ڤه و نموونهكا نوو یا پهیوهندیا دو دهولهتان ئاڤا بكهن.
ل سهر ئاستێ دهرڤه، ب دیتنا من ئهمریكا پشتهڤانیهكا ب هێز بۆ عهبادى دكهن و ئهو دزانن فشار و ههرهشه یێن ل سهر وى ههین و كورد دشێن سنوورهكى بۆ وان ههرهشا بدانن و وان ئاگهه ژ ڤێ سهرهدانێ ههبوویه، ژ بهر هندێ دو سیاسهتمهدارێن ههره بلندێن ئهمریكا دهربرین ژ خۆشحالیا خوه كر ب ڤێ سهرهدانێ ئهو ژى: جێكرێ سهرۆكێ ئهمریكا جو بایدنى د پهیوهندییهكێ دا ل گهل سهرۆكێ ههرێمێ ل رۆژا بهرى سهرهدانێ و نوونهرێ سهرۆك ئوباماى بۆ شهرێ دژى تیرۆرستێن داعش برێت ماكگورگ. هیچ لایهنهكى، نه یێ كوردستانى و نه یێ عیراقى و نه یێ نێڤدهولهتى ههلویستهكێ فهرمى یێ دژى ڤى سهرهدانێ نهراگههاندیه. ب تنێ هندهك شوفینیێن عهرهبێن سهر ب دهولهتا قانوونێ ڤه و هندهك كهسێن سونه یێن مالكى د چارچوڤێن بهرنامه و پرۆگرامێن میدیایى دا دژایهتیا خوه بۆ سهرهدانێ نیشا دا و پڕانیا وان داردهستێن قولپا ژ ناڤبرنا سستهمێ عیراقێ نه. دهرئهنجامهكێ دى ههره گرنگ یێ روودانێ، پێكهاتیێ شاندى رامان بوو بۆ دوباره رێكخستنا ناڤمالا كوردى و ئێك دهنگیا كوردان بهرامبهر كێشێن چارهنڤێس.
