تايبه‌تمه‌نديه‌كا نوو بۆ په‌خشێ ئێكسه‌رێ فه‌يسبۆكى هاته زێده‌كرن
ئه‌ڤرۆ نيوز، فاتما مزوورى:
كۆمپانيا تۆرا جڤاكيا فه‌يسبۆكى، تايبه‌تمه‌نديه‌كا گرنگ بۆ په‌خشێ ئێكسه‌ر زێده كر دا كو ب كارئينه‌ر مفاى ژێ وه‌ربگرن.
دوهى رۆژا ئه‌ينى 14ى چريا ئێكێ 2016 كۆمپانيا فه‌يسبۆكى گوهۆڕين ل په‌خشێ ئێكسه‌ر كر كو ژ نوكه پێڤه بكارئينه‌ر دشێن په‌خشێ ئێكسه‌ر يێ تايبه‌تێ خوه ل سه‌ر تله‌ڤزيۆنێ ببينن.
ئه‌ڤ تايبه‌تمه‌نديا نوو يا فه‌يسبۆكى ب تنێ ل سه‌ر تله‌ڤزيۆنێن ئه‌پل و كرۆمكاست كار دكه‌ت و نوكه ژى ب تنێ بۆ بكارئينه‌رێن سيسته‌مێ IOS يا ل به‌ر ده‌ست كو دشێن په‌خشێ خوه يێ ئێكسه‌ر بێخنه سه‌ر ئێك ژ ڤان تله‌ڤزيۆنان.
كۆمپانيا فه‌يسبۆك سۆز دايه كو د داهاتيه‌كێ نێزيك دا ئه‌وێ تايبه‌تمه‌نديێ بۆ بكارئينه‌رێن ئه‌ندرۆيد ژى زێده بكه‌ت دا كو ئه‌و ژى بشێن مفاى ژ وێ تايبه‌تمه‌نديێ وه‌ربگرن.