بڕیارا بەلاڤکرنا ئەردی یا ھەی و کەس نینە بەلاڤ بکەت
ئه‌ڤرۆ نيوز:
پەرلەمانتارەکێ ئاماژە دا وێ چەندێ کو بڕیارا بەلاڤکرنا ئەردی ل سەر وەلاتیان بۆ دەمەکێ درێژە دەرکەفتی، بەلێ چو لایەک نینە ئەردی بەلاڤ بکەت و گۆت: ” باژێڕڤانیێ دگۆتە مە بڕیار نینە، بەلێ ئەڤە بڕیار ژی ھاتە دەرکرن و ھێشتا یێ گیرۆ دکەن، ژ بەر ڤێ چەندێ ب ڤی دەست و داری ئەرد ناھێتە بەلاڤکرن”.
بھار عەبدولڕەحمان، ئەنداما پەرلەمانێ کوردستانێ بۆ رۆژناما ئەڤرۆ ئاشکرا کر کو بڕیارا بەلاڤکرنا پارچێن ئەردی بۆ دەمەکێ درێژە ھاتیە دەرکرن و بڕیارە وەزارەتا ئێکێ یا پێشمەرگەی بیت ئەرد ل سەر بھێتە بەلاڤکرن و ھەر پێشمەرگەیەک پارچەکا ئەردی وەربگریت، بەلێ ھەتا نوکە وەزارەتا باژێڕڤانیێ یا بەرھەڤ نینە بڕیارا بەلاڤکرنا ئەردی ل سەر فەرمانبەر و کرێداران بجە بینیت و گۆت: “چەندین جارا مە وەکو پەرلەمان دووڤچوون بۆ ڤی بابەتی کریە و سەرۆکاتیا جڤاتا وەزیران دبێژن مە بڕیار دەرکریە و بلا لایەنێن پەیوەندیدار دەست ب پڕۆسا بەلاڤکرنا پارچێن ئەردی بکەن”.
ناڤھاتیێ ئاماژە دا وێ چەندێ کو باژێڕڤانی ھەر پڕۆسا بەلاڤکرنا ئەردی پاش دئێخیت نوزا وان چو مەرەم ھەیە و وەلاتی گەلەک چاڤەڕێ دکەن و مافێ وانایە لەز ل بەلاڤکرنا ئەردی بھێتەکرن و گۆت: “ب دیتنا من ھەکە باژێڕڤانی بڤی شێوەی کار بکەت ئەڤ سالە ژی دێ پڕۆسە ھێتە پاشخستن بۆ سالا داھاتی و ھەر دێ وەلاتی چاڤەڕێ بن، چونکی نوکە چو بەھانەیەک نەمایە ئەرد بھێتە بەلاڤکرن بتنێ کەس نینە بەلاڤ بکەت و خەمساری ژلایێ باژێڕڤانیان ڤە یا ھەی”.