ههبوونا من د ڤی گهردونی دا
ههردو رهگهزێن نێر و مێ ئافراندیێن خودێ نه و ڤیانا ژیانكرنێ و ڤیانا زێدهبوونێ و ڤیانا كاركرنێ و ڤیانا زانینێ و ئازادیێ و بهختهوهریێ ههیه و ب گشتی ههر مڕۆڤهكێ ههبیت نهشێت بێ ڤیان ژیانێ بكهت، لێ ڤیان ژی تشتهكێ سهرهكیێ ژیانێ یه، چ ڤیانا وهلاتى بیت یان یا دهیك و باب و كهسوكاران بیت یان ڤیانا كچێ بۆ كوڕی بیت و ..هتد. لێ پێدڤیه ههر ڤیانهكا ههبیت یا راست و دروست بیت، ئانكو ژ روحێ بۆ روحێ بیت نهكو سهرڤه سهرڤه بیت، ب ئاوایهكێ گشتى ههبوونا مرۆڤى د ڤی گهردونی دا ژ ئهگهرێن ڤیانێ یه.
ل ڤێرێ دخوازم بهحسێ ڤیانا كچ و كوران بكهم، ئهڤجا ههكه مرۆڤ پرسیار بكهت، گهلو پڕانیا گهنجان حهز كچان كریه و ڤیان دایه ههڤ؟ ب دیتنا من نه! چونكی بۆ نموونه دێ بینى گهنجهكی ژ بهر پرچێ حهز ژ كچهكێ كر و ههكه پرچا وێ یا زهر بیت دێ پتر حهز ژێ كهت، یان گهنج دێ حهز ژ دهڤ و لێڤێن وان كهن و ههنه حهز ژ بهژن و باڵ و سینگ و ملێن وان دكهن، ههروهسا ههنه حهز ژ خزمهتا وان یا رۆژانه دكهن، ئهڤه زێدهباری كو ههردهم ل سهرێ ڕێیانن و چاڤێن وان ل كچانه و ل دهمێ تڕۆمبێلێ دهاژوون و جلكهكێ جوان ل بهر خوه دكهن ههر ژ بۆ هندێ یه كو سرنجا كچا بۆ خوه راكێشن، ل دهمهكی پێدڤیه مرۆڤ سهحكهته چاڤێن وان كا ئهو دێ چ بێژن و ل چ دگڕن و وان چ ههیه پرسیار بكهن؟ دیسا یا پێدڤیه مرۆڤ نێرینا فكرا وان بكهت گهلو ئهو چ فكر دكهن نه ب تنێ نێرینا سهروسیمایێ وان بهێتهكرن!، چونكی گهلهك دهست درێژی ل وان هاتیهكرن و وان بڤێت یان نهڤێت كارتێكرن ل وان هاتیهكرن.
مخابن ل دووڤ هندهك یاسایێن ئولی و جڤاكی و داب و نهڕیتان بزاڤ و شیانێن مهزن دهێنه كرن كو كچ و ژن ببنه قوربانی كهسایهتیا كۆڕ و زهلامان (نه ههمی كهس) و ژیانا وان كریه ئاگر و پێت، رهنگه د جڤاكێ مه دا هێشتا كچ د ژیێ (13-14) سالیێ دا ب رێژا (40%) دهێنه قوتان و ل بهر گهفانه و ههستێ جڤاكی ب تهمامی هاتیه ژ ناڤبرن، ههروهسا رهنگه ب (خهبهردان و جڤینان) (45%) كهساتیا وێ هاتیه شكاندن، دیسا رێژهك ب خورتی و زۆری و دهستهسهركرن و زێدهكاڤی و ههمی كارێن نهڕهوا ل گهل تێنهكرن و رێژهك ژی هێشتا بچووك و نه ب ڕازیبوونا وان مالباتێن وان داینه شوو. ما نهبهسه ل دووڤ داب و نهریتێن شاش بچین و زۆلمێ ل كچ و ژنان بكهین؟!.
ب دیتنا من پرانیا كهسان ب زانابوون دهرههقێ كچ و ژنان دا ڤیانێ ناكهن، چونكی وهسا فێر بووینه كو ژن ئامیرهتێ سكسی و تێربوونا حهزایـه! نه وههایه؟ دڤێت ههر كهسك ژ مه ڤیانا خوه یا كهسوكی بدهته كچ و ژنان و ڤیان وان ل سهرخوه بكهته ئهرك و خوه ل وان بكهته خودان، ڤیانێ ژ روحێ بدهته روحێ، ئانكو ڤیان نه ب تنێ سهروسیمانه، چونكی ئهو ژی مرۆڤن و پێدڤی ڤیانێ و ئارامیێ نه، برا و ههڤژین و باب ئێدی دوگماتیزی بهسه ئهكتیڤ ببن ژن ژیانا ههوهیه چهند هوین ل بهر تاڕی بكهن و زۆلمێ لێ بكهن بێ ژن هین نهشێن بژین.
