بالوتێلی باشترینێ جیھانێ دیار دکەت
ئەڤرۆ نيوز:
یاریزانی نێڤدەولی و یانا نیس یا فەرەنسی ماریو بالوتێلی دیارکر یاریزانێ ئورگوایی و یانا بەرشەلۆنا لویس سوارێز ھەژی باشترین یاریزانێ جیھانێ یە و تەپا زێری سەرارەی وی ئاستێ ھەردو یاریزانان مێسی و رونالدو ل وەرزێ بوری پێشکێشکری لێ یاریزانێ ئیتالی ماریو دبینت ئەو گولێن سوارێز ل وەرزێ بوری و ئەڤ سالە تومارکرین تێرا وێ چەندێ ھەیە بیتە باشترینێ جیھانێ.
سواریز ل وەرزێ بوری د 53 یاریان دا ل گەل بەرشەلۆنا شیابوو 59 گولا تومار بکەت و شیابوو ل گەل یانا خوە کاس و خولا لیگا و سوپرە ئیسپانیا ب دەستخوڤە بینت.
بالوتێلی زێدەتر بۆ رۆژناما تیلی فوت یا فەرەنسی دیارکر رونالدو یان مێسی یان سوارێز دێ ب تەپا زێری و باشترینێ جیھانێ ھێنە خەلاتکرن لێ ئەو د بینت سوارێز ھەژی ڤێ خەلاتی یە ژبەرکو ل وەرزێ بوری ئێک ژ باشترین ئاستە پێشکێشکر و شیا چەندین دەستکەفتیا ل گەل یانا خوە ب دەستخوڤە بینت .
یاریزانێ نیس یا فەرەنسی ئەو چەندە ژێ بۆ وێ رۆژناما فەرەنسی دیارکر خولا فەرەنسا نێزیکی خولێن ئەلمانی و ئیتالی و ئینگلیزی نە کو ئاستێ خولێ یێ بلندە یانێن ب ھێز دناڤ خولا فەرەنسی دا ھەنە.
