کارگێریا یانا زاخۆ: پارێزگار یانا مە ب یا پارێزگەھێ نابینت
زاخۆ،ھشیار دوبانکی:
دەستەیا کارگێری یانا زاخۆ یا وەرزشی برێکا نڤێسارەکا ئەلیکترونی داخوازا پشتەڤانیێ ژ پارێزگەھێ دھۆکێ دکەن، د پەیجێ خوە یێ فەرمی یێ چڤاکی دا یانا زاخۆ نڤێسینەک بەلاڤەکریە و داخوازی ژ پارێزگارێ دھۆکێ فەرھاد ئەمین کریە ھایداری بارودوخێ یانا زاخۆ بیت و دەستێ ڤێ یانێ ژێ بگریت کو ل ماوێ چەند رۆژێن بوری پارێزگەھێ دھۆکێ ھاریکاریێن مادی پێشکێشی یانێن دھۆک و گارە و زێرەڤانی کرین و دەستخوشی ل ڤی کارێ وی یێ پیروز کەین بۆ پشتەڤانیا ئەوان پانێن پارێزگەھێ، لێ دھەمان دەم دا ب مخابنی ڤە بتنێ ھاریکاریا یانا زاخۆ نەکریە دبیت یانا ئەوان ژ ھەر یانەکا دی ل ڤی دەمی پتر تەنگافتر بیت ژبەرکو ئەو یێ سێ تیمان ب رێڤەبەن ئەوژی خولا عیراقێَ بۆ تیما باسکت بولی َو یا تەپا پێ د ھەمان دەم دا تیما خولا کوردستانێ و بارێ یانێ یێ دارایی نوکە یێ لاوازە رەنگە وەسا نەبیت وەکو خەلەک ھزر ل یانا زاخۆ دکەت و جەنابێ تە قەزا زاخۆ ل سنورێ پارێزگەھا دھوکێ نابینت بۆ ئەف چوداھیە بھێتە کرن .
مالپەرێ زاخۆ زێدەتر دیارکریە ھیڤی دکەن ئەو پەرێ دلسوز وەکھەڤی یێ دناڤ بەرا ھەموو یانێن پارێزگەھێ دا بکەت و پارێزگەھێ دھۆکێ بەری نوکە ژێ بریار دا بوو ھاریکاریا یانێ بکەت لێ ئەو ژێ نەھاتەکرن ھیڤیدارین پشتەڤانیا یانا زاخۆ ژێ بھێتەکرن ژبەرکو یانە نوکە یا د قەیرانەکا مەزن یا دارایی دا .