پێگهه و كهساتیا سهرۆك بارزانى د ههڤسـهنگى و راگـرتنا دهڤــهرێ دا دیاره
ههلبهت ل سهر ههبوون و راستیا هندهك كهسێن دیار و كو رابردوویهكێ پیرۆز ههى وهكو كهسهكێ پێگههشتى و كارێزما د ناڤ گهل و وهلاتێ خوه دا جهێ خوى دگریت، چونكی وهك رێبهر و رێ نیشاندهر دبیته جهێ باوهریا خهلكهكی، لهوا شرۆڤهكار و بسپۆرێن سیاسى ل سهر كهسایهتێن بهرز و ژێهاتی یێن گهل و وهلاتێن خوه ل جیهانى نێرین و ههلسهنگاندنێن خوه یێن زانستى و سیاسى دكهن. ئهڤه ژى بۆ وان كهساتیایه یێن د كاودانێن دژوار دا خۆراگری و چاوانیا وان گاڤێن سهرهدهریكرنێ بۆ ئهو روودانێن نهچاڤهرێكرى دهێنه ههمبهری وان دیار دبیت.
ئهكید بۆ ڤێ چهندێ ههر گهل و نهتهوهیهكی سهركرده و ناڤدارێن خوه ههنه، بهلێ دا كو ژ بابهتى دوور نهكهڤین ئهگهر ئهو لێكدانا سیاسی دهربارهى كێشا كوردى دروست بهێته كرن كو مێژوویهكا دوور و درێژا خوه ههیه و ل گۆر وێ بن دهستى و زۆرداریا گهلێ مه دهرباز كری كو چ ههڤال و پشتهڤان نهبوون، لهوا ههمى گاڤا شهر و وێرانكارى بههرا گهلێ كورد بووینه، ئهڤه ههمی ژ ئهگهرێن وێ چهندێ بوویه كو ملهتێ كورد داخوازا ماف و ئازادیا خوه كریه، لهورا ژی گهلێ كورد بۆ خواستهك و ئارمانجێن دیاركرى شۆرهش و بهرخودانێن بهردهوام كرینه، ههرچهنده دهم بۆ دهمى كاودانێن خهبات و قوربانیدانێ هاتینه گوهارتن، بهلێ خهباتا گهلێ كورد نهراوهستایه و ئهكید بۆ راستیا ڤێ قوربانیدانێ گهلهك سهركرده و رێبهر و ناڤدارێن ڤى مللهتى بۆ رێكا كوردایهتى گیان و مالێ خوه گورى كورد و كوردستانێ كرینه، تاكو پهیام و دهنگێ گهلێ كورد بگههیننه جیهانێ.
بهرۆڤاژى خهونا دوژمنان سهرنهگرت كو بشێن كوردان بێ دهنگ و بهرزه بكهن، بێگومان خۆراگرى و ههڤڕكیا بهردهواما گهلێ كورد بهرامبهرى دوژمنان دهستكهفتێن ئهڤرۆ بدهستڤه هاتینه و ئهڤ قووناغا گهلێ كورد و ههرێما كوردستانێ تێدا دبۆریت زۆربهیا وهلاتێن جیهانێ شانازیێ پێ دكهن و پهیداكرنا ئهڤرۆ نهمنهتا چ لایهكی یه، بهلكو ئهڤه بهایێ خوین و خهباتا گهلێ مه یه، چونكی كوردان ئهڤرۆ بۆ تهڤایا دونیایێ سهلماندیه كو (26) سالێن ئازادیا گهلێ كورد و ههرێما كوردستانێ ب ئاوایهكێ سهربخۆ دهێته دیتن و شیایه ئیداره و رێڤهبرنا خهلكێ كوردستانێ د وان كاودانێن نازك دا بكهت، نهمازه پشتى هاتنا داعش و خۆراگریا پێشمهرگێ كوردستانێ و شكهستنا چهكدارێن داعش ل سهر دهستێن پێشمهرگهى، لهورا ئهڤرۆ ل پێش چاڤێن جیهانێ كورد ل رێزا ئێكێ دهێته دیتن و بێگومان دیمهنێن راستیا دیموكراسیهتێ و مرۆڤاتیا كوردان دوژمن ل سهر ئهو زۆرداریا بهرامبهرى گهلێ مه كری شهرمزار كریه.
ژئالیهكێ دی ڤه دیاره ئهڤرۆ ههرێما كوردستانێ ل رۆژههلاتا ناڤین و دهڤهرێ وهكو نموونهكێ دهێته ناسكرن، بهلێ دیسان ههولێن دهرهكى بهردهوامن بۆ شێلیكرن و رێگرتنا گهلێ مه ژ وێ ئارمانجا چهندین ساله قوربانیێ بۆ ددهت، چونكی دبینن كورد ب شارهزایى دگهل وێ هاریكاریا جڤاكى نیڤدهولهتى شیاینه ههرێما كوردستانێ بپارێزن و ئهڤه ژى دزڤریت بۆ وێ خوه گونجاندنا گهلێ كورد دگهل جیهانا ئهڤرۆ، لهوا ل سهرڤێ یهكێ ئازادى خواز و ئاشتیخواز بۆ گهلێ كورد باشى دئاخڤن و بهرهڤانیا ههرێما كوردستانێ دكهن و ل سهر ڤێ چهندێ زۆربهیا وهلاتێن جیهانێ، كوردستان یا كریه جهێ حهواندن و بهێنڤهدانا خوه، بهلێ وهسا خویا دبیت ئهڤ وهلاتێن ههرێمى زۆر تهنگاڤ بووینه لهوا گهفێن بهردهوام ل سهر ههرێما كوردستانێ ههنه، ژبهركو ئازادى و ههبوونا دهولهتهكا كوردى ب مهترسی ل سهر بهرژهوهند و ئاسایشا وهلاتێن خوه دبینن، چونكی دزانن و دبینن ئیرۆ پشتهڤانیهكا ب هێز ژلایێ جیهانێ ڤه ل كورد و ههرێما كوردستانى تێتهكرن و دبینن كو كێشهیا كوردى ئهڤرۆ بوویه كێشهیهكا نیڤدهولهتى و ئیدى نهشێن ئهو یاریا بهرێ بۆ خوه ب چارهنڤیسێ كوردان دكر جارهكا دى دووباره بكهن، ههروهسا باش دزانن نها ژ دهستێ وان دهركهتیه، لهوا سیاسهتا وان بوویه تێكدان، ئهڤجا چونكی نوكه ئهو دهلیڤه نینه راستهوخۆ دهستێوهردانێن خوه بكهن، لهورا دخوازن ب رێیا پهیداكرنا دوبهركیا هێزێن كوردى ناڤخۆیا ههرێما كوردستانێ بهر ب ئاقارهكێ شێلى و نهدیارڤه ببن.
ههروهسا كارێ وان ئهوه كو بشێن وێ هێلا پهیوهندیێن گهلێ كورد و پشگیریا نیڤدهولهتى لاواز بكهن و ئاستهنگان دروست بكهن داكو خهونا كوردان پاش بێخن، بهلێ بهرۆڤاژی خهونا وان بجه ناهێت، چونكی ئهو شارهزایا ئهڤرۆ سهركردایهتیا كوردى ب تایبهتى نهخشێ سهرۆك بارزانى وهكو كهسهكێ ژێگرتى ل رۆژههلاتا ناڤین بۆ وێ ههڤسهنگى و راگرتنا چارهسهریا كێشێن دهڤهرێ ب تایبهتى ئهو ئاورێن بهرسینگگرتنا شهرێ داعشێ ههین، ژبهر هندى بوویه جهێ رێز و باوهریا خهلكێ جیهانى و راستیا سهنگا وى ل عیراقێ و دهوروبهران بلند دهێته نرخاندن لهوا بوویه جهێ پرسیار و راوێژا ههمى لایهكی و ئهڤ چهنده د كهسایهتى و خۆراگریا وى دا دیار بوون، چونكی خودانێ ههلویستهكێ نهگوره، لهوا تێته گۆتن ئهو دشێن كێشه و ئالۆزیێن نهزهلال ئێكلا بكهن و ههر گۆتن و بریارهكا بدهت جهێ خوه دگریت و ئهم ژى ب ڤێ چهندێ سهر بلند و پشتراستین خهون و ئارمانجێن گهلێ مه ل سهر دهستێ سهرۆك بارزانى دێ بدهست ڤه هێن و نێزیك دێ ئالایێ دهولهتبوونێ هێته بلندكرن.
