بزانە یانێن پارێزگەھا دھۆکێ د سێ حەفتیان دا چ کریە؟
ئەڤرۆ : قەیس وەیس
پشتی بورینا سێ گەرا ژ خولا پێشمەرگەیێ کوردستانێ یا پلا نایاب یا تەپا پێی ھەر چار یانێن پارێزگەھا دھۆکێ (دھۆک ، زێرەڤانی ، زاخۆ ، گارە) تێدا یانێن دھۆک و زێرەڤانی و گارە سێ یاری کرینە و یانا زاخۆ دو یاری کرینە و سەرجەمێ ھەمی یاریان دبیتە ١١ یاری کو ھەردو یانێن زاخو وگارە روبەری ئێک بوینە .
ئامارێن یانێن پارێزگەھا دھۆکێ دخولێ دا کو بتنێ سەرکەفتنەک ھاتیە تومارکرن ئەوژی یانا دھۆک ب سەرکەفت ل حەفتیا بوری ل سەر یانا پێشمەرگا ھەولێر ب سێ گولان بەرامبەر دو گولان و حە فت وەکھەڤی ھاتینە تومارکرن کو یانا گارە ھەر سێ یاریێن خو دگەل کەرکوک ، شێروانە و زاخۆ وەکھەڤبوویە و زاخۆ دو یاریێن خوە دا وەکھەڤبوویە ئەوژی ل گەل ئارارات و گارە و زێرەڤانی ل گەل برایەتی و ھەولێر وەکھەڤبوویە.
یانێن پارێزگەھێ سێ جاران توشی خوسارەتیێ بووینە کو دو جاران ل سەر دەستێ یانەکا باژێرێ سلێمانیێ ئەوژی نەوروز شیا سەرکەفتنێ ل سەر دھۆک و زێرەڤانی توماربکەت کو زێرەڤانی جارەکێ بتنێ خوسارەت بوویە و دھۆک دو جاران ئەوژی ل گەل نەوروز و ھەولێر.
باشترین ھێلا بەرەڤانیی و ھێرشبەریێ ژ یانێن پارێزگەھێ یاریزانێن دھۆک شیاینە پێنج گولان تومارکرینە و یاریزانێن زێرەڤانی گارە و زاخۆ ھەر ئێک سێ گول و لاوازترین ھێلا بەرەڤانیێ ھەتا نوکە پشتی بورینا سێ حەفتیان ژ یانێن پارێزگەھێ ھێلا بەرەڤانیا دھۆک پێنج گول سەر ھاتینە و زێرەڤانی چار گول و یانێن گارە و زاخۆ ھەر ئێک سێ گول کو سەرجەکێ گولێن یانێن پارێزگەھێ ھەتا نوکە ژ یازدە یاریان تومارکرین د گەھنە ١٤ گولان بەرامبەر وێ ١٥ گول سەر ھاتینە تومارکرن کو پێنج گول ب سەری ھاتینە تومارکرن کو ژ ئەوانا سێ جاران زێرەڤانی و دو جاران یاریزانێن گارە بوون و دو گول ب لێدانا پەنەلتی تومارکرینە ئەوژی زاخۆ و دھۆک و گولەک ب لێدانەکا ئێکسەر ڤری کیک ئەوژی یاریزانێ یانا دھۆک بوو شەش گول دی ب پێی دناڤا لێدانا سزایی ھاتینە تومارکرن .
ھەر ئێک ژ یاریزانان ئەحمەد شرشاب ژ یانا گارە و ئیڤان سلێمان وەلید سەلمان ژ دھۆک دو گول ھەنە و ھەر ئێک ژ یاریزانان شوان مامو، جویل عومەر و ئەیوب ئەیاد ژ زێرەڤانی و سەرمەد چیا سەردار عومەر و بەروژ جادر ژ زاخۆ و مەحمود عەبدولسلام ژ گارە گولەک تومارکرینە.