دالکورد کەڤتە د کومەکا ب ھێزدا
ئەڤرۆ،ھەژار مەعروف:
دوھی پشکێشانا کاسا سوید ھاتە کێشان بو قوناغا کومان ئەوا بەرنیاس ب ناڤێ شڤێنسکا کەپ کو نوونەرا کوردان ل وەلاتێ سوید یانا دالکورد کەڤتە د کومەکا ب ھێزدا ئەوژی پێکھاتی یە ژ یانا ئایک سولنا ستوکھولم خودانا رێزا دوێ دخولا نایابا سوید دا و گایس گوتبورک ئەوا دخولا پلا ئێک دا کەت و کریستیانستاد دخولا پلا دو دا یاریێ کەت و شێوازێ یاریێن قوناغا کومان ب شێوەیێ ئێک قوناغا یاریێن وێ دھێنەکرن و سەرکەفتی ئێکێ و دوێ ژ ھەر کومەکێ دێ دەربازی قوناغا دوێ بیت ژ کاسا سوید .
ئێکەتیا تەپا پێ یا سوید یاریێن قوناغا کوما دەست نیشانکرینە کو بریارە یاریێن گەرا ئێکێ ل ١٨ و ١٩-٢-٢٠١٧ بھێنەکرن و یاریێن گەرا دوێ بریارە ٢٥و٢٦-٢-٢٠١٧ بھێنەکرن و یاریێن گەرا سیێ و دووماھیێ ل ٤و٥-٣-٢٠١٧ بھێنەکرن و ھەردو تیمێن خودانا رێزا ئێکێ دوێ ژ ھەر کومەکێ دێ دەربازی قوناغا ١٦ بیت ژ کاسا سوید .
ھەژی گوتنێ یە یانا دالکورد یانەکا کوردی یە ل وەرزێ بوری سەرکەفت بو ژ خولا پلا دو بۆ پلا ئێک و ل وەرزێ ئەڤ سالە پشکداری دخولا پلا ئێک دا کربوو ب جوداھیا خالەکێ تیم نە سەرکەفت بو خۆلا پلا نایابا سوید .