ل دھۆکێ قارەمانێ جیھانێ دێ ھێتە پێشوازی کرن
ئەڤرۆ، مللەت جەمال:
قارەمانێ جیھانی و کورێ باژێرێ دھۆکێ نزار غەزالی ئەوێ ل ماوێ چەند رۆژێن بوری شیای د قارەمانیا ئەلماس یا جیھانی ب یاریا لەشجوانی رێزا ئێکێ ب دەستخوڤە بینت ئەوا ھەڤرکیێن وێ ل وەلاتێ یونان ھاتیە کرن و پشتی قارەمانێ جیھانێ ڤەگەریا ھەرێما کوردستانێ د داخویانیەکێ دا بۆ رۆژناما ئەڤرۆ دیارکر ھەر ل گەل گەھشتنا ئەوی چەندین بەرپرسێن وەرزشی و حکومی ل پارێزگەھا دھۆکێ پەیوەندی ب ئەوی کرن دەستخوشی لێ کرن و گەلەک یێ کیفخوشحالە ب وێ چەندێ کو وەکو کورەکێ پارێزگەھا دھۆکێ شێت ڤی دەستکەفتی جیھانی ب دەستخوڤە بیت و سوپاسیا ھەمی بەرپرسێن وەرزشی و حکومی ل پارێزگەھا دھۆکێ کەت تایبەت پارێزگەرێ دھۆکێ و نوونەرەتیا لژنەیا ئولومپی ل دھۆکێ و ئێکەتیا لەشجوانیێ ل پارێزگەھا دھۆکێ کو بەردەوام پشتەڤانیا ئەوی کەن و ئەڤ چەندە ژ ئەوان نەیا دورە ژبەرکو بەری نوکە ژێ ل قارەمانیێن بوری دا ژێ ب ھەمان شێوە پشتەڤانیا لێ ھاتیەکرن ھەردیسان پشتی ھەر قارەمانیەکێ پێشوازی ژلایێ ئەوان لێ دھێتەکرن .
ناڤبری ئەو چەندە ژێ دیارکر ئەو دێ یێ بەردەوام بیت ل سەر یاریا خوە و دێ بزاڤێ کەت ناڤێ پارێزگەھا دھۆکێ و ھەرێما کوردستانێ ل گەلەک قارەمانیێن دی بلند بکەت و دێ ھەمی شیانێن خوە تەرخانکەت بۆ وێ چەندێ چەندین گەنجێن دی ژ ڤی باژێری ڤێرکەت بۆ ڤێ یاریێ و ب گەھنە قارەمانیێن جیھانی و ھەڤرکیێ ل سەر ناسناڤێن دەولی و نافخوی بکەن.
ھەژێ گوتنێ یە نزار غەزالی شیابوو د قارەمانیا ئەلماس دا ل وەلاتێ یونان رێزا ئێکێ ب دەستخوڤە بینت ب کێشیا ٨٥ کگم و سەر ھەمی یێ دوێ بوو ل سەر ئاستێ ھەمی یاریێن قارەمانیێ .