سالا 2017 سەنگێ خوە کێم بکە
ئه‌ڤرۆ نيوز:
دا تو بشێی سەنگێ خوە کێم بکەی، پێدڤییە تێگەھێ قەلەویێ و سەنگێ زێدە بزانی، سەنگێ زێدە ئەوە یێ ژ قەبارێ بەژنێ زێدەتر، قەلەوی ژی دھێتە نیاسین ب کۆمڤەبوونا بەزی د ناڤ لەشی ھەتا وی رادەی دژی ساخلەمیێ بیت.
دەستپێکا سالا 2017 گەلەک کەسان وەسا ھزر کریە دێ سەنگێ خوە کێم کەن، ئەڤە ھندەک رێ نە بۆ کێمکرنا سەنگێ:
1- ئارمانجێن نە بەرئاقل نەدانە، کێمکرنا گەلەک کیلۆیان د دەمێ کێم دا ب رێیا رێجیمەکا نەساخلەم دروست نینە، بەرانبەری وێ ئارمانجێن بەرئاقل بدانە کو تو بشێی بجھبینی، وەکو: حەفتیێ کیلۆیەکا بەزی کێم بکەی ب رێیا رێجیمەکا ساخلەم.
2- یا باش ئەوە خورانێن تو دخۆی د لیستەکێ دا بنڤیسە، داویا ھەر حەفتیەکێ وێ لیستێ بخوینە دا بزانی ئەو کیش خورانن ناھێلن سەنگا تە کێم بیت؟ ڤەکۆلین ئاشکرا دکەن ئەو کەسێن خورانێن خوە د لیستەکێ دا تۆمار دکەن پتر ھشیار دبن و خوارنێن ب مفاتر و کێمتر خوارنێ دخۆن.
3- یا باش ئەوە دانێ سیپێدێ ماستی و ھێک و نانێ گەنمی و پەنیران بخۆی، د گەل مۆز و سێڤان.
4- یا باش ئەوە زەیتێ و روونی کێمتر بۆ کەلاندنا خوارنێ بکاربینی، خوارنێن کەلاندی و پراژتی و ل سەر ھەلمێ ل شوونا ێن قەلاندی بخۆی.
5- یا باش ئەوە رۆژانە ھەشت کۆپێن ئاڤێ ڤەخۆی، کۆپەکێ ئاڤێ ڤەخۆ و چارێکەکێ خوە بگرە، ھەکە تە ھەست ب برسێ کر ژ نوو خوارنێ بخۆ.
6- حەفتیێ سێ رۆژان راھێنانان بکە دا ئەنجامەکێ باش بدەستڤە بینی، یا باش ئەوە ئاسنی ژی د گەل راھێنانان راکەی دا لێدانێن دلی زێدە بن، ھەروەسا غاردان و مەلەڤانی و ھلاڤێتنا ل سەر وەریسی و سەما، بەزی دسوژن و د ئەنجام دا سەنگێ کێم دکەن.