دیسان زاخۆ نەشیا دلێ جەماوەرێ خوە خوش بکەت
ئەڤرۆ، ھشیار دوبانکی:
تیما تەپا پێ یا زاخۆ بۆ یاریا حەفتێ ل دیڤ ئێک ل یاریگەھا خوە ل وەرزێ ئەڤ سالە نەشیا سەرکەفتنێ توماربکەت پشتی دوھی ل یاریگەھا نێڤدەولی یا زاخۆ جارەکا دی وەکھەڤبووی ل گەل یانا کارەبا بێ گول ژ چارچوڤێ یاریێن گەرا ھەژدێ ژ خولا پلا نایابا عیراقێ دڤێ یاریێ دا تیما کارەبا بێ پشکداریا پێنج یاریزانێن خوە یێن سەرەکی یاری کر بەرامبەر تیما زاخۆ ب پشکداریا ھەمی یاریزانێن خوە یاری کر و شیان خالەکا گرنگ ژ یانا زاخۆ پەیدابکەت و خالێن خوە ب گەھینە ١٧ خالان پێشڤە چوونا رێزا سێ زدێ د لیستەیا خولێ دا بەرامبەر زاخۆ ھەر ما ل رێزا دووماھیێ د لیستەیا خولێ دا ب ھەشت خالان ژ ١٤ یاریان .
دڤێ یاریێ دا تیما زاخۆ ھەر ژ دەستپێکا یاریێ ھەتا دووماھیا یاریێ کونترول ل سەر یاریێ کر بوو لێ ھەمی ھێرشێن ئەوان د بێ مفابوون و دڤێ یاریێ دا راھێنەرێ زاخۆ پیشەکارێ خوە یێ نوو یێ ئەفریقی ل پێکھاتیێ تیمێ زێدەکر لێ ئەو یاریزان ژی نەشیا زاخۆ بەر ب سەرکەفتنا ئێکێ ڤە بیت.
د نیڤا دوێ دا راھێنەرێ زاخۆ چەند گوھورین کرن لێ ھێلا بەرەڤانیا یانا کارەبا و گولچیێ وێ شیان پاراستنەکا توند ژ گولا خوە بکەن و یاریێ ب خالەکا گرنگ ب دووماھی بینن .
شروڤەکارێ وەرزشی ل زاخۆ عەبدرحمان سوبحی سەبارەت ڤێ یاریێ دیارکر راھێنەرێ تیمێ دڤێ یاریێ دا د نیڤا دوێ دا ل گوھورینت خوە دا نە یێ سەرکەفتی بوو تایبەت دەرکەفتنا ھونەری کو پێدڤی بوو ھونەر نە ھاتیا گوھورین و ھێرشبەری ل نیڤا دوێ زێدەتر لێ کربان ھەر چەندە یاریەکا گرتی بوو ئاستێ ھونەری یێ یانا زاخۆ دڤێ یاریێ دا ژ یاریێن بوری باشتر بوو لێ ب ڤی رەنگی مەترسیا داکەفتنێ ل سەر یانا زاخۆ مەزنتر لێ ھات پێدڤی یە .