بەرشەلۆنا ھەڤبەستا یاریزانەکێ نوو راگەھاند
ئەڤرۆ نیوز،ھەژار مەعروف:
راپورتێن رۆژنامەڤانی وەسا داینە دیارکرن یانا بەرشەلۆنا گەھشتە رێککەفتنێ ل گەل سانتیاگو بوینو یاریزانێ ھێلا بەرەڤانیا یانا بینارول یا ئورگوای و یاریزانێ ھەلبژارتیێ لاوێن ئەوروگوای کو ئەڤ یاریزانە نوکە دخولا وەلاتێ خوە دھێتە ھژمارتن یاریزانێن باش و شارەزایێن وی وەلاتی وەسا داینە دیارکرن ئەڤی یاریزانی پاشەرۆژەکا گەش ھەیە بۆ ھەلبژارتیێ وەلاتێ خوە. رۆژناما موندو دیپورتیڤو یا ئیسپانی ئەو چەندە ژی دیارکریە یانا بەرشەلۆنا ھەر ژ دەستپێکرنا قارەمانیا ھەلبژارتیێن ٢٠ سالی یا ئەمریکا باشور یا دیڤچوونا ئەڤی یاریزانی کەت کو شیا ئاستەکێ بلند ھەتا نوکە ل گەل ھەلبژارتیێ خوە پێشکێش بکەت ھەردیسان ب رێیا نوونەرێن خوە ل وی کیشواری ژێ یانا بەرشەلۆنا دیڤچوونا ئاستێ ئەڤی یاریزانی کریە ل یاریێن خولا نافخوی یا وەلاتێ ئورگوای. ئەوێ رۆژنامێ ئاماژە ب وێ چەندێ ژی کریە یانا بەرشەلۆنا حەزا ئینانا ئەڤی یاریزانی ھەبوو ژبەرکو شێوازێ کرنا یاریا وی و بەرەڤانیا تیما بەرشەلۆنا جیرارد پیکە گەلەک نێزیکی ئێکە و پلان و ئینانا ئەڤی یاریزانی ژلایێ یانا کەتەلونی ڤە بۆ وێ چەندێ ڤەدگەریت کو ل پاشەرۆژێ ل سالێن بھێت ئەڤ یاریزانە جھێ یاریزانێ وێ یێ نوکە جیرارد پیکیە بگریت. راپورتێن رۆژنامەڤانی یێن نێزیکی بەرشەلۆنا ئاشکرا کرینە ژی بتنێ مایە ل چەند رۆژێن بھێت ھەڤبەستا ئەڤی یاریزانی ب فەرمی بھێتە راگەھاندن ل یانا بەرشەلۆنا و دێ دەستپێکێ یاریزان دێ ل تیما دوێ یا بەرشەلۆنا کەت ھەردیسان دێ ل بن چاڤدێریا راھێنەرێ تیما ئێکێ لویس ئەنریکی بیت
