پەیوەندیا خوەیا ھەژڤینی نووژەن بکەن

ئه‌ڤرۆ نيوز:

پەیوەندیا ژن و مێران نە ب تنێ پەیوەندیا سیکسی و دلداری یە، لێ ھندەک تشتێن کوورتر ھەنە ژ ڤیانێ و ھەڤالینیێ و رێزگرتنێ و ل ئێک نێزیکبوونا ھزری و گرنگیدان ب لایەنێ دی، ھەروەسا پاراستنا رحەتی و سلامەتیا ھەڤپشکێ ژیانێ ئەرکێ ھەردو لایەنانە و نەیا ئێکی ب تنێ یە.
دەمێ ھەلکەفتن دھێن دەلیڤە بۆ نووژەنکرنا وان پەیوەندیان و دەرکەفتن ژ رۆتینێ، بیرھاتنێن خۆش و جوان ل ژیانێ زێدە بکەن و پەیوەندیا خوە ب ھێز بێخن، ھەر دەلیڤەکا ھەبیت دەربرینێ ژ ئەڤینیا خوە بۆ ئێک و دو بکەن و گەھێن ھەڤگەھشتنێ ب ھێز بێخن.
داکو ھەردەم ل پێش چاڤێن ھەڤژینێ خوە یا نوو و جوان بی و ھەرۆژ دەمێن خوە خۆشتر لێبکەن، ل دووڤ ڤان خالان ھەرە دا مفا ببینی:
1- خوە بخەملینە: گرنگیدانا تە ب خوە دێ باوەریێ بۆ تە چێکەت و تە بەرھەڤ کەت بۆ گوھداریێ، خوە بخەملینە و جلکێن جوان بکە بەرخوە کو مێیاتیا تە زێدەتر لێبکەت.
2- حەزژ جەستەیێ خوە بکە: خوە فێر بکە حەز ژ جەستیێ خوە بکەی خو بلا کێماسی ژی لێ ھەبن، بلا چاڤێ تە ل کێماسیێن جەستیێ تە نەبن و بلا چاڤێ تە ل تشتێ جوانێ جەستەیێ تەبیت، گەر تە حەز ژ جەستەیێ خوە نەکر تو نەشێی خوە د گەل پەیوەندیێ بگونجینی، لەورا یا باش ئەوە وان جلکان بکەیە بەرخوە یێن پتر جوانیا دیار دکەن.
3- خوە گونجاندن ب پەیڤان: یا گرنگ ئەوە وەکو ئەڤینی و دلداری خوە د گەل ھەڤژینێ خوە بگونجینی، گەنگەشا ل سەر ئاریشێن رۆژانە و زارۆیان کێم بکە، بەحسا پەیوەندی و ھەستێن خوە بکەن، ئەو یەک دێ ھەوە پتر نێزیکی ئێک کەت.
4- پرسیارا 1ژێ بکە و وەبکە ئەو ژی پرسیارا بکەت: ب دەنگەکێ نەرم و نازک پرسیارا ژێ بکە کا ھوون حەز دکەن ئەڤرۆ چ بکەن، وەبکە بلا ئەو پرسیارێ ژ تە بکەت کا تو حەز ژ چ دکەی، ب نازکی بابەتی ڤەکە دا نەبیتە گەنگەشە.
5- جهـ: مالێ باش بەرھەڤ بکە و ھندەک دیمەنێن رۆمانسی دروست بکە، شیڤ و شەمالکان ژ بیر نەکەی، ھەکە بشیێ تو و ھەڤژینێ خوە بچنە جھەکێ دی وەکو ئۆتێل یان جھەکێ دی و شەڤا خوە لێ ببۆرینن، دێ گەلەک باشتر بیت.

کۆمێنتا تە