دێ چاوا وەرزێ زڤستانێ ساخلەم دەربازکەی؟

ئەڤرۆ نيوز:
مرۆڤێن دانعەمر و زارۆیێن ژ چوار سالیێ کێمتر ب کارتێکرن دکەڤن ل وەرزێ زڤستانێ ئەوژی ژبەر گوھۆرینا پلێن گەرماتیێ و ژبەرکو کۆئەندامێ وان یێ بەرگریێ یێ بێ ھێزە، رەنگە پیلێن سەرمایێ ل وەرزێ زڤستانێ وان تووشی نەخۆشیان بکەن و کارتێکرن ل لاشێ وان ببیت، لەورا یا گرنگە پێگیری ب ھندەک شیرەت و رێنما ل وەرزێ زڤستانێ بھێتە کرن ژوانژی:
– یا گرنگ ژ ھەمیان ئەوە کو پلا گەرماتیا ژوورێ دناڤبەرا 21-24 پلەیان یا جێگیرکری بیت.
– دو قاتێن جلکا بکەنە ل بەرخوە و یا باشتر ئەوە قاتێ ئێکێ ئێکسەر ب لەشی ڤە ب نووسیێت داکو لەش ژ ھەوای ب ئێکجاری بھێتە گرتن.
– ھەتا ل مالژی باشترە سەرێ وان یێ پێچای بیت، ژبەرکو ڤەکولین دیاردکەن کو 30% ژ گەرماتیا لەشی ژ سەری دھێت.
– یا باشتر ئەوە رۆژانە 5-6 دانێن خوارنا سڤک بھێنە خوارن و 8 کوپێن ئاڤێ بھێنە ڤەخوارن.
– باشترە ھەوایەکێ پاقژ د ژوورڤە ھەبیت ئەوژی ژبۆ نەھێلانا ھشکاتیێ.
– گەلەک یا باشە وە ئاگەە ژ ئامیرێ گەرمکرنێ ھەبیت و جھەکێ بچووک یێ ژوورێ ڤەکری بھێلن بۆ تەھویا مالێ.
– پێدڤیە ھوون د ھشیاربن ل سەر ھەر نیشانەکا بەرسەرمابوونێ ل دەڤ زاروکان و تێبینیا حالەتێن بێھتەنگیێ و گریا بەردەوام و گوھۆرینا رەنگێ پیستی ل دەست و پێیان بکەن، رەنگە نەھوشداری ژی ل دەڤ وان پەیداببیت، نەشێن کارێ خوە ب دروستی ئەنجام بدەن، گێژبوون و نەمانا حەزا خوارنێ یان شیردانێ ژی ل دەڤ ھەبن، بەلێ دەربارەی دانعەمران ھەست ب سەرمایەکا دژوار دکەن و نەشێن ب دروستی کارێ خوە ئەنجام بدەن و ھزرا وان تێک بچیت و بکەڤنە د حالەتێن گێژبوونێ دا، ب پەیدابوونا ھەر ئێک ژڤان حالەتان پێدڤیە ھزر ل برنا نەخوشخانێ بھێتە کرن.

کۆمێنتا تە