گوهۆڕین.. وهكى خهلكى یان وهكى حزبان؟
د درێژیا دیرۆكا ههڤچهرخ دا، گوهۆڕین ههڤكێشهكه (معادله) ل ناڤبهرا جڤاكى و دهستههلاتێ. واته جڤاك هندى پێگههشتى و هشیارتر بت و بهرههڤبت قوربانیان سهخمهرات مافێن خوه یێن رهوا بدهت و بندهستیێ رهتبكهت، هینگێ دهستههلات نهچاره دووڤبهردانێ (تنازل)ێ پتر بكهت و گوهۆڕینێن پێدڤى د خزمهتا خوه و خهلكى دا بكهت.
پرانیا خهلكێ كوردستانێ وێ هزر دكهن دهمێ حزبهكێ گۆت ((عهیده ئانكو عهیده)) و دێ ئهو حزب گوهۆڕینێن گهوههرى ل دووڤ وێ راگههاندنا بۆ گوهۆڕینان دهێته كرن د ههیكهلێ خوه دا د بهرژهوهندیا خهلكى دا كهت. دبت ئهڤ دیتنه گهلهك جاران ژ چوارچۆڤهیێ خهون و خهیالان دهرناكهڤت، ژ بهر كو پرانیا خهلكێ كوردستانێ ئهو باوهرى ب خوه نینه گوهۆڕینان ل سهر خوه پراكتیزه بكهن، ڤێجا ما حزبێن كوردى دێ چ هزرێ بۆ خهلكێ كهن گوهۆڕینان د بهرژهوهندیا وان دا بكهن؟!
بلا بۆ ئاشكهرا بت كو ژ بلى (خیانهتا حزبى)، بهرپرسهكێ خودان ناڤ و سهنگا خوه د ناڤ حزبا خوه دا ههیى دژى حزبا خوه بكهت، وهك دى ههكه ئهو بهرپرسێ حزبێ ب دیتنا جڤاكى ژ شاشیان تلۆڤه بت و گهندهلێ گهنگهشه و سوحبهتێن كۆچك و دیوانان بت، مادهم ژ لایی حزبا خوهڤه خودان سهنگه و ب دهستهكهكا (كتلهك)ێ ب هێزڤه گرێدایه، ئهو بهرپرس دێ بلندتر لێ هێت و نزم نابت.
ئهڤه بهتر ژ 25 سالان ب سهر حوكمداریا حزبێن كوردیڤه ل ههرێما كوردستالنێ دهرباز بوون، ههتا نوكه من ب خوه نه بهیزتیه حزبهكا كوردى كادرهكێ خوه یێ مهزن ب رێكێن قانوونا مهدهنى وهك خهلكى بڤێت سزادایى، ژ بهر كو لاوازیا قانوونا مهدهنى ل ههرێما كوردستانێ شیانێن پێڕابوونێن قانوونى ههمبهر بهرپرسێن حزبان یێن خودان پارێزمهندى (حصانه) نینن.
ئهڤجا بهرى خهلك گازندهیان ژ حزبێن كورستانێ بكهت كو گهندهلن و گوهۆرینان ناكهن، بهلكو ل لێكگوهۆرینان دكهن، بلا گازندهیان ژ خوه بكن كو خوهدیێ وى خهلكى ئیراده و دهستپێشخهریا گوهۆرینێن گهوههرى نینن. ههلبهت حزبێن كوردى ههر ژ ڤى خهلكینه و ژ چو جڤاكێن دى نههاتنه، ههتا ئهم رهخنهیێ لێ بگرن كو خوه ناگوهۆڕن. چو پێنهڤێت د د رێژیا ڤان سالان دا، هندهك كهسێن تنێ بهرژهوهندیا خوه دپارێزن گههشتینه وێ باوهریێ كو گوهۆڕینێن گهوههرى ب هیڤیا ڤى خهلكیڤه نابن، ژ بهر هندێ دهڤێن خوه گریتنه و ل دووڤ بهرژهوهندیێن خوه چۆینه و خوه ب ڤێ حزبێ و حزبا دیڤه گرێدایه.
راستهك ههكه حزبێن كوردستانێ ئهو وێرهكى ههبوو و خوه ژ گوهۆڕینێن جوانكارى (تجمیلى) دوورئێخستن و گوهۆڕینێن گهههرى كرن و هندهك كادرێن خوه یێن گهندهل ل دووڤ سزادانێن حزبى و دادگههێن مهدهنى سزا دان، دێ باشتر بت كو كهس دى چاڤ ل وان گهندهلان نهكهت و قانوون پتر رۆلێ خوه ببینت و جهماوهر و لایهنگرێن وان زێدهتر لێ بهێن؛ لێ پرسیار ئهوه: كى دێ چیرۆكا مهسیحى دوباره كهت؟ ئنجیلا (یۆحهنا)ى ڤێ چیرۆكێ وسا ڤهدگێڕت، دهمێ هندهك هشكباوهران ژنكهك ب تاوانا زنایێ گرتى، مهسیحى گۆتى: ((كى ژ وه بێ گوننههه، بلا بهرهكى د ژنكێ وهربكهت؟!)) دهركهت كهس نهشیا بهرى تێوهر بكهت و مهسیح ژى لێ بۆرى و ئازادكر.
