ماسكێرانوى دانپێدان كر و دادڤانێ ياريێ دێ هێته راگرتن
ئەڤرۆ نیوز،
زنار تۆڤی:
ب ئەگەرێ چەند بریارێن خەلەت ژ چارچۆڤێ یاریا دناڤبەرا بەرشەلۆنا و پاریس سانجێرمان د قۆناغا شازدێ یا خۆلا یانێن پالەوانێن ئورۆپا،ئەگەرێ راگرتنا دادڤانێ وێ یاریێ دھێتەکرن.
رۆژناما مارکا یا ئیسپانی دیارکریە،کو چاڤدێرێ وێ یاریێ راپۆرتەک بۆ سەرۆکاتیا لیژنا دادڤانان بلندکریە و ئاماژە ب چەند خەلەتیان کریە،ب ڤێ چەندێ دھێتە پێشبینی کرن کو بۆ وەرزێ ئەڤ سالە دینیز ئیتیکینی دادڤانێ وێ یاریێ بھێتە راگرتن و دادڤانیێ بۆ چ یاریێن دی ناکەت،ھەروەسا نوکە ژی ناڤھاتی ل ژێر ڤەکولینێ دایە و ژ ھەموو چالاکیان ھاتیە راگرتن.
ل سەر ڤێ یاریێ ماسکیرانۆ یێ ئەرژەنتینی و یاریکەرێ یانا بەرشەلۆنا یا ئیسپانی بەحسێ خەلەتیەکا دادڤانێ یاریا یانا خوە و یانا پاریسی کریە.
ماسکیرانۆی پشتی وێ یاریێ ئاشکراکریە،دناڤ ھێلا سزایێ دا ب شێوەیەکێ ئەنقەست ل دیماریای دایە و دڤێت دادڤانی ئەو لێدانە ل سەر وی کربا سزا د بەرژەوەندا پاریسێ دا،بەلێ ئەو دیمەنە ل سەر دادڤانێ یاریێ ڤە تیپەری.
