ب وێنه: ژن و مێر و زارۆيه‌ك دو سالى د روودانه‌كا ترافيكێ دا گيانێ خوه ژ ده‌ست دا
ئه‌ڤرۆ نيوز:
رێڤه‌به‌رێ هاتنوچوونا چه‌مچه‌مال گيان ژ ده‌ستدانا سێ كه‌سان د روودانه‌كا ترافيكێ دا راگه‌هاند كو پێكهاتى نه ژ ژن و مێر و زارۆيه‌ك دو سالى.
روودان د ناڤبه‌را ته‌كيێ بۆ چه‌مچه‌مال و ل نێزيك گۆندێ گۆرگه‌يى روودايه كو ترۆمبێله‌كا دايۆ كه‌فتيه ناڤ پرا هه‌ردو سايدێن جادێ.
عه‌قيد عومه‌ر عه‌لى حه‌مه‌كه‌ريم رێڤه‌به‌رێ پۆليسێن هاتنوچوونا چه‌مچه‌مال بۆ راديۆيا فه‌رمى يا هاتنوچوونا سلێمانيێ راگه‌هاند: “دبيت روودان شڤێدى پشتى ده‌مژمێر 12:00ى شه‌ڤێ روودا بيت، ژ ئه‌گه‌رێ جادێ و ئاگه‌هـ ژ خوه نه‌بوونێ شوفێرى كونترۆل ژ ده‌ست دابيت”.
گۆتژى: “ژن و مێر و زارۆيه‌كێ دو سالى د ناڤ ترۆمبێلێ دا بوون و هه‌رسێيان گيانێ خوه ژ ده‌ست دايه”.
زه‌لام يێ 23 سالى يه و ژن ژى 22 ساله و زارۆيێ وان ژى دو سالى بوويه.
