مۆچێ 43 ھزار خودان پێدڤیێن تایبەت دھێتە بڕین
ئه‌ڤرۆ نيوز:
ب ئەگەرێ وێ چەندێ کو ھژمارەکا مەزن یا خودان پێدڤیێن تایبەت و کێم ئەندام ب نە قانوونی مۆچە وەردرگرت، وەزارەتا کار و کاروبارێن جڤاکی یا حوکمەتا ھەرێما کوردستانێ مۆچێ 43 ھزار خودان پێدڤیێن تایبەت بڕین.
محەمەد ھاودیانی، وەزیرێ کار و کاروبارێن جڤاکی یا حوکمەتا ھەرێما کوردستانێ راگەھاند، بۆ تۆمارکرنا کێم ئەندام و خودان پێدڤیێن تایبەت، جارەکا دی ھاتینە تۆمارکرن و نھا نێزیکی نەە ھزار کەسان ھەتا نوکە چاڤەرێ وەرگرتنا مۆچێ کێم ئەندامانە و مە نھا گفتۆگۆ ل گەا ئەنجوومەنێ وەزیران کریە بۆ ھندێ جارەکا دی پشکنین دێ دناڤێن وان دا ھێتە کرن بۆ ھندێ جارەکا دی ژی مۆچێ وان بھێتە دان.
ئاشکرا ژی کر، ل کوردستانێ نێزیکی 100 ھزار کەسان مۆچێ کێم ئەندامان وەردگرن و مۆچێن وان دناڤبەرا 60 بۆ 90 ھزار دینارانە و گۆت: پشتی دووڤچوونێن توند ل سەر ھاتینە کرن، مۆچێ 23 ھزار کێم ئەندامان دھێتە بڕین، چونکو ئەو ھەموو ھەژی وی مۆچەی نەبووینە و مۆچێ وان نەیێ قانوونی بوویە و کەسێ دی ناھێتە شوونا وی.
وەزیرێ کار و کاروبارێن جڤاکی یا حوکمەتا ھەرێما کوردستانێ ئاماژە دا وێ چەندێ، نھا ھووربینی و ووردبینی دناڤێن کێم ئەندامان دا ھاتینە کرن و رەنگە ناڤێ 20 ھزار کەسێن دی ژی یێن کێم ئەندامان دێ ھێتە بڕین، چونکو ئەڤ کەسە ھەموو د پرۆسا دووبارە پشکنینێ دا پشکدار نەبووینە و چاڤەرێ دھێتە کرن مۆچێ وان ھەموویان دھێتە بڕین.
خویاژی کر کو ئەڤ چاکسازیا د ڤی بواری دا ھاتیە کرن بوویە ئەگەر کو سالانە نێزیکی سێ ملیار دیناران بۆ گەنجینا حوکمەتێ بڤەگەرن و گۆت ژی: 80% ژ وان خێزانێن مۆچێ چاڤدێریا خێزانی وەردگرت ھەژی ھندێ نەبوون وی مۆچەی وەربگرن و 9% ژی ژ وان خێزانان مۆچێ وان یێ خێزانی یا ناڤنجی بوو و ب تنێ 11% ژ ھەژی ھندێ بوون وی مۆچەی وەربگرن و رەوشا وان یا ئابووری گەلەک یا بێسەروبەر بوویە.
