فه‌توایه‌كێ بۆ میدیاكاران.. .
وه‌كو بۆ مه دیار رۆژانه خه‌لكی كوردستانێ چاڤدێریا كه‌نالێن ئاسمانی كوردی دكه‌ن بۆ ته‌ماشه‌كرنێ روورداوان د سه‌نگه‌رێن پێشمه‌رگه‌ی دا ئه‌ڤ روودانه هه‌می ب رێیا په‌یامینێرین كه‌نالان دهێنه ڤه‌گوهاستن، ئه‌و ژی مل ب مل ل گه‌ل پێشمه‌رگه‌ی به‌رگریێ ژ وه‌لاتی دكه‌ت، به‌لێ هه‌ر ئێك د وارێن خوه دا، پێشمه‌رگه د واری سه‌ربازی و په‌یامنێر د واری راگه‌هاندنێ دا روودانان ب شیوه‌یه‌كی راست و دروست ڤه‌دگوهێزیت بۆ خه‌لكی زانیاریان ل ده‌ڤ خه‌لكی زێده دكه‌ت ل دۆر پێشره‌ویا پێشمه‌رگه‌ی و بابه‌تێ جه‌نگی ل گه‌ل دوژمنی. به‌لی هه‌تا نوكه چ فه‌توا ژ لایێ رێڤه‌به‌ریا گشتی یا ئه‌وقافا كوردستانێ و ل دۆر په‌یامنێران ده‌رنه‌كه‌تیه ئه‌رێ ل ڤی ئه‌ركی بهێنه كوشتن شه‌هیدن یان نه شه‌هیدن، هه‌ر وه‌ها كه‌سێن بسپۆر د وارێ ئاینی ب هه‌مان شیوه به‌حسی میدیا نه‌كریه. وه‌كو دیار راگه‌هاندنا كوردستانی ب گشتی گه‌له‌ك زۆر یا پێشكه‌فتی نوكه سه نگا خوه ل جیهانی یا هه‌یی. وه‌ك بۆ مه دیار نوكه د ڤێ جیهانا پێشكه‌فتی دا شه‌ڕی راگه‌هاندنی مل ب مل ل گه‌ل شه‌ڕی سه‌رباز دهێته‌كرن ، وه‌كو رێكخراوا تیرۆرستی یا ده‌وله‌تا ئیسلامی ل عیراقێ و شامێ ناسیار ب (داعش) ل ده‌سپێكا تیرۆریا خوه باژێری مووسلێ و فه‌رماندێن سه‌ربازی ل ده‌ڤه‌رێن عیراقی ب راگه‌هاندنێ لاواز بن ده‌ستكرن. لێ ئه‌ڤرۆ جهی داخێ یه به‌حسێ ڤان میدیاكارێن ب جه‌رگ ل سه‌نگه‌ران ل چ جهان نا هێته‌كرن و دهێنه پشتگوهخستن، هه‌روه‌ها ئه‌و ژی وه‌ك وه‌لاتپارێزه‌ك به‌رگریێ ژ وه‌لاتی دكه‌ت ب ئه‌ركێ خوه رادبیت.
