مانچستەر یونایتد و ئەرسینال ھەڤرکیا عەرەبەکی دکەن
ب، ئەڤرۆ:
دھێتە پێشبینیکرن راھێنەرێ یانا مانچستەر یونایتد یا ئێنگلیزی جوزێ مورینھو یێ پرتوگالی ب ھێز ب کەڤیتە د بازارێ ڤەگوھاستنا یاریزانان دا کو ئەف چەندە گرێدای نێزیکبونا یانا وی یە بو ب دەستڤەبرنا ناسناڤێ خولا یانێن ئوروپا یورپا لیگا و مسوگەربونا پشکداریا وان ل وەرزێ بھێت د قارەمانیا یانێن ئوروپا قارەمانێن خولان دا.
روژناما دەیلی میل یا بریتانی ئاشکەراکریە کو یاریزانێ جەزائیری یاسین ئیبراھیم یاریزانێ پورتو یا پرتوگالی ئێک ژ ئارمانجێن وی یە ژبو ئینانا ناڤا پێکھاتیێ خوە د بازارێ ڤەگوھاستنێن ھاڤینێ دا.
زێدەتر ڤێ روژنامێ ئەو چەندە ژی ئاشکەراکر کو مورینھو دێ ئیبراھیمی ئینتە یانا خو ب ئەگەرا نە رونیا پاشەروژا وی ل گەل یانا مانچستەر یونایتد.
ڤێ روژنامێ ئەو چەندە ژی ئاشکەراکریە کو ئیمزاکرنا ھەڤبەستا ڤی یاریزانێ جەزائیری دێ ب ٥١ ملیون جونەیھێن ئسترلینی راوەستیت.
ژلایەکێ دووڤە روژناما زا سەن دیارکربو کو یانا ئەرسینال نەخشە ھەیە بو قەرەبویا چونا مەسعود ئوزێل و ئەلێکسیس سانشێزی و ئیمزاکرنا ھەڤبەستێ لگەل ئیبراھیمی و ماکس مایر یاریزانێ شالکە یا ئەلمانی.
